2 Mga Hade 17:16 - Marahay na Bareta Biblia

¹⁶ Linapas ninda an gabos na togon kan Kagurangnan na saindang Dios asin naggibo sinda nin duwang metal na baka; naggibo pa sinda nin ladawan kan diosang si Asera, nagsamba sa mga bitoon asin naglingkod ki Baal.

2 Mga Hade 17:16 ပူးပေါင်းရင်းမြစ်များ

1 Mga Hade 12:28

Pakahorophoropa niya kaini, guminibo siya nin duwang bulawan na torong baka dangan sinabihan an saiyang banwaan, “Haloy na kamong nagpaparatukad sa Jerusalem tanganing magsamba. Banwaan nin Israel, uya an saindong mga dios na nagluwas saindo sa Egipto!”

1 Mga Hade 14:15

Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

1 Mga Hade 14:23

Nagtugdok sinda nin mga altar para sa saindang mga dios-dios, asin nagpatindog nin mga harigi saka mga simbolo ni Asera sa ibabaw kan mga bulod saka sa limpoy nin mga kahoy.

1 Mga Hade 15:13

Hinale man niya an lola niyang si Maaca bilang inang-reyna huli ta naggibo ini nin makauuyam na ladawan kan diosang si Asera. Pinalod niya an ladawan asin sinulo sa Kapantayan nin Kidron.

1 Mga Hade 16:31

Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

1 Mga Hade 16:33

Nagpatindog man siya nin ladawan kan diosang si Asera. Mas dakul an ginibo niyang nakapaanggot sa Kagurangnan, an Dios nin Israel, ki sa mga ginibo kan mga naenot saiyang hade sa Israel.

1 Mga Hade 22:53

Nagsamba siya asin naglingkod ki Baal. Arog kan saiyang ama, pinaanggot niya an Kagurangnan, an Dios nin Israel.

2 Mga Hade 1:2

Nahulog si Hadeng Ahazias hale sa balkon kan atop kan saiyang palasyo sa Samaria asin naghelang siya. Kaya nagpadara siya nin mga sugo tanganing maghapot ki Baal-zebub, an dios nin Ekron, kun mararahay pa siya.

2 Mga Hade 11:18

Pakatapos, nagduman an mga tawo sa templo ni Baal asin rinumpag idto. Rinonot ninda an saiyang mga altar saka mga imahen, asin ginadan sa atubang kan mga altar si Mattan, an padi ni Baal. Nagbugtak si Jehoiada nin mga bantay sa Templo.

2 Mga Hade 16:3

asin sinunod niya an paarog kan mga hade nin Israel. Maski an sadiri niyang aking lalaki tinutong niya bilang atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 17:10

Nagbugtak sinda nin mga gapong harigi saka mga ladawan kan diosang si Asera sa kabubuldan asin sa lindong kan lambang marambong na kahoy.

2 Mga Hade 18:6

Nagin maimbod siya sa Kagurangnan asin dai nagsuhay saiya. Kinuyog niya an mga pagboot na itinao nin Kagurangnan ki Moises.

2 Mga Hade 21:3

Ipinatugdok niya giraray an paganong mga lugar na pagsasambahan na ginaba kan saiyang ama na si Ezekias. Nagtugdok siya nin mga altar para ki Baal asin naggibo nin mga imahen kan diosang si Asera, arog kan ginibo ni Ahab na hade nin Israel. Nagsamba saka naglingkod siya sa mga bitoon.

Exodo 32:4

Kinua niya an mga hikaw asin tinunaw, dangan inula ini sa sarong hormahan asin naggibo siya nin sarong metal na baka. Nagsabi an mga tawo, “O Israel, iyo ini an satong dios na nagluwas sato sa Egipto!”

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Isaias 2:8

An saindang daga pano na nin mga ladawan; asin sinasamba ninda an mga bagay na gibo kan saindang kamot.

Jeremias 19:13

Magigin maati arog kan Tofet an mga harong sa Jerusalem, an mga harong kan mga hade sa Juda asin an gabos na harong, huli ta an bubong kan mga ini ginagamit ninda sa pagtutong nin insenso para sa mga bitoon asin sa pag-ula nin arak bilang dolot na inomon sa ibang mga dios.”

Jeremias 44:17

Gigibohon mi an samong mga ipinanuga. Magtututong kami nin insenso sa reyna nin langit, saka mag-uula kami nin mga dolot na arak para saiya, arog kan dati nyamong ginigibo asin kan samong mga ginikanan, kan samong hade saka mga lider, sa mga banwa sa Juda asin sa mga tinampo nin Jerusalem. Kadakul kaidto kan samong pagkakan, mauswag kami asin mayo nin nag-abot samong kasakitan.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Ezekiel 23:8

Nagpadagos siya bilang sarong maraot na babae, gawe na pinonan niya duman sa Egipto, saen nawara niya an saiyang pagkabirhen. Magpoon kan hoben pa siya, dinorogan na siya nin mga lalaki asin ibinilang na sarong maraot na babae.

Levitico 26:1

Nagtaram an Kagurangnan, “Dai kamo maggibo nin mga ladawan o magpatindog nin mga estatwa, o hariging gapo o inukitan na mga gapo tanganing saindong sambahon. Ako an Kagurangnan na saindong Dios.

Deuteronomio 16:21

“Kun maggibo kamo nin altar para sa Kagurangnan na saindong Dios, dai kamo magpatindog nin kahoy na tanda kan diosang si Asera sa kataed kaiyan.

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.