2 Mga Hade 17:14 - Marahay na Bareta Biblia

¹⁴ Alagad habo sindang maghinanyog; nagin matagas an saindang payo arog kan saindang mga ginikanan, na dai nagtubod sa Kagurangnan na saindang Dios.

2 Mga Hade 17:14 ပူးပေါင်းရင်းမြစ်များ

2 Mga Cronica 24:19

Nagpadara siya sainda nin mga propeta tanganing patanidan sinda na magbalik saiya, alagad habo sindang maghinanyog.

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Salmo 106:24

Dangan hinaboan ninda an mayaman na daga; dai sinda nagtubod sa saiyang panuga.

Salmo 78:22

huli ta mayo sindang pagtubod sa saiya asin dai nagsarig sa saiyang nakakaligtas na kapangyarihan.

Salmo 78:32

Alagad padagos pa giraray sa pagkasala an mga tawo; dai sinda nagsarig saiya maski naggibo siya nin mga ngangalasan.

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Exodo 16:28

Kaya tinaraman nin Kagurangnan si Moises, “Sagkod nuarin kamo masuhay sa sakong mga togon saka pagboot?

Exodo 32:9

Nagtaram pa an Kagurangnan ki Moises, “Nahiling ko na matagas an payo kan mga tawong ini.

Exodo 33:3

Maduman kamo sa daga na mayaman sa gabos na bagay. Alagad huli ta matagas an saindong payo dai ako maiba saindo ta tibaad tunawon ko kamo sa dalan.”

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Jeremias 3:7

Paghona ko, mabalik siya sako pakatapos na gibohon niya iyan. Alagad dai siya nagbalik, asin nahiling ini kan saiyang bakong maimbod na tugang, an Juda.

Jeremias 34:14

lambang ikapitong taon tatalingkasan ninda an siisay man na Hebreyong oripon na naglingkod sainda sa laog nin anom na taon. Alagad dai nagkuyog an saindong mga ginikanan ni naghinanyog kan sinabi ko sainda.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Ezekiel 12:2

“Aki nin tawo, nag-eerok ka sa tahaw nin mga rebeldeng tawo. Igwa sinda nin mga mata, alagad dai nakakamaan; igwa nin mga talinga, alagad dai nakakadangog, huli ta mga rebelde sinda.

Ezekiel 2:3

“Aki nin tawo, sinusugo taka sa banwaan nin Israel. Nagtumang sinda saka nagtalikod sako; sagkod ngunyan mga rebelde pa sinda arog kan saindang mga ginikanan.

Ezekiel 3:19

Alagad kun patanidan mo an maraot na tawo alagad dai siya magtalikod sa saiyang karatan, magagadan siya sa saiyang kasalan, asin ikakaligtas mo an saimong buhay.

Daniel 5:20

Alagad huli ta nagin mapalangkaw siya, nagin matagas an payo saka makuri, hinale siya sa saiyang trono asin hinale man an saiyang kamurawayan.

Oseas 11:2

Alagad kan ako orog na mag-apod saiya, orog man siyang nagharayo sako. Nagsakripisyo ki Baal an sakong banwaan; nagtutong sinda nin insenso sa mga ladawan.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Deuteronomio 1:32

Alagad maski sinabi ko na ini saindo, dai man giraray kamo nagtubod sa Kagurangnan,

Deuteronomio 31:27

Aram ko kun gurano kasombikal asin katagas an payo kan banwaan na ini. Nagsombikal sinda tumang sa Kagurangnan mantang nabubuhay pa ako; orog na masombikal sinda saiya kun gadan na ako.

Deuteronomio 9:13

“Nagtaram pa sako an Kagurangnan, ‘Aram kong talagang matagas an payo kan banwaan na ini.

Hebreyo 3:12

Mag-ingat kamo, mga tugang, ta tibaad igwa nin saro saindo na maraot asin mayo nin pagtubod na magdagka saindo sa pagtalikod sa Dios na buhay.