2 Mga Hade 16:8 - Marahay na Bareta Biblia

⁸ Kinua ni Ahaz an plata saka bulawan sa Templo asin sa kaban nin yaman sa palasyo dangan irinegalo sa emperador nin Asiria.

2 Mga Hade 16:8 ပူးပေါင်းရင်းမြစ်များ

2 Mga Hade 12:19

An iba pang ginibo ni Hadeng Joas gabos nasusurat sa An Kasaysayan kan mga Hade nin Juda.

2 Mga Hade 15:19

An Israel sinalakay ni Tiglat-pileser na emperador nin Asiria. Tinawan ni Menahem si Tiglat-pileser nin treynta y otso toneladang plata, tanganing makua sana an tabang niya sa pagpakosog kan saiyang kapangyarihan sa Israel.

2 Mga Hade 17:3

Nakigera si Salmaneser na emperador nin Asiria laban ki Hosea; nagsuko si Hosea ki Salmaneser asin nagbuhis saiya taon-taon.

2 Mga Cronica 16:2

Kaya nagkua si Asa nin plata saka bulawan hale sa kayamanan sa Templo saka sa palasyo dangan ipinadara ki Hadeng Benhadad nin Siria na idtoon duman sa Damasco, kaiba an mensaheng ini:

Isaias 2:6

O Dios, pinabayaan mo an saimong banwaan, an mga kapagarakian ni Jacob! Lakop na an daga kan mga salamangkero hale sa sirangan asin hale sa daga nin Filistia. Sinusunod kan mga tawo an dayuhan na mga gawe.

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Mikas 1:14

Mga taga Juda, magpaaram na kamo sa banwa nin Moreset-gat; mayong ikakataong tabang sa mga hade nin Israel an banwa nin Aczib.