2 Mga Hade 16:10 - Marahay na Bareta Biblia

¹⁰ Kan si Hadeng Ahaz magduman sa Damasco sa pagsabat ki Tiglat-pileser, nahiling niya an altar sa Damasco. Kaya an padi na si Urias pinadarahan niya nin sarong ladawan kan altar, asin an bilog na detalye kaini.

2 Mga Hade 16:10 ပူးပေါင်းရင်းမြစ်များ

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 16:11

Naggibo si Urias nin altar na pareho nanggad kan ladawan, asin tinapos niya an altar bago nagbalik si Ahaz.

2 Mga Hade 21:4

Naggibo siya nin paganong mga altar sa laog kan Templo, an lugar na sinabi nin Kagurangnan na dapat pagsambahan saiya.

1 Mga Cronica 28:19

Nagsabi si David, “Ini gabos nasusurat sa planong ginibo sosog sa mga katukdoan na ipinapakuyog sako nin Kagurangnan.”

Salmo 106:39

Nagin maati sinda huli kan saindang mga gibo, asin nagtalikod sinda sa Dios.

Exodo 24:4

Isinurat ni Moises an gabos na pagboot nin Kagurangnan. Pagkaagang amay nagtugdok siya nin altar sa pamitisan kan bukid. Nagpatindog siya nin doseng hariging gapo para sa doseng tribu nin Israel.

Exodo 39:43

Siniyasat ni Moises an gabos nindang ginibo dangan benendisyonan kan mahiling na nahaman an gabos sosog sa ipinagboot nin Kagurangnan.

Isaias 8:2

Magkua ka nin duwang masasarigan na lalaki, an pading si Urias asin si Zacarias na aking lalaki ni Jeberekias, bilang mga saksi.”

Jeremias 10:2

Nagsabi siya, “Dai nindo pag-arogon an gibo kan ibang mga nasyon; dai kamo matakot sa mga tanda na nahihiling sa kalangitan, maski natatakot kaiyan an ibang mga nasyon.

Ezekiel 16:28

“Huli ta dai ka nakontento sa iba, nakidorog ka man sa mga taga Asiria. Nagin kadorogan ka ninda, alagad dai ka man giraray nakontento sainda.

Ezekiel 43:11

Dangan kun nasosopog na sinda kan saindang mga ginibo, ipaliwanag mo sainda an plano kan Templo, an pakagibo kaiyan, an mga laogan saka mga luwasan, an bilog na porma kaiyan asin an gabos na pagboot saka mga togon manongod diyan. Isurat mo ini gabos para sainda, tanganing maotob ninda an sakong mga pagboot asin makuyog ninda an mga togon.

Ezekiel 43:8

Itinugdok kan mga hade an pintoan kan saindang palasyo sa kataed kan pintoan kan sakong Templo, kaya saro sanang kudal an pagultanan nyamo. Dinigtaan ninda an banal kong ngaran sa paagi kan makauuyam na mga bagay na saindang ginibo, kaya sa sakong kaanggotan tinunaw ko sinda.

Ezekiel 44:12

Alagad huli ta sinda an namahala kan pagsamba kan mga Israelita sa mga dios-dios, asin sinda an nagdara sa mga tawo sa pagkakasala, ako, an Kagurangnan Dios, minasumpa na kaipuhan padusahan sinda.

Mateo 15:6

nahahale na saiya an katongdan na galangan an saiyang ama asin ina. Sa paaging iyan dai nindo tinatawan nin halaga an togon nin Dios tanganing masunod sana an sadiri nindong katukdoan.

Mateo 15:9

An pagsamba ninda sako mayo nin halaga, huli ta an itinutukdo ninda bilang doktrina, mga pagboot nin tawo sana!’”

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

Deuteronomio 12:30

Pakatapos na rumpagon sinda nin Kagurangnan, dai nanggad nindo pag-arogon an saindang mga gawe nin pagsamba, huli ta iyan an magadan saindo. Dai nindo pagsiyasaton kun paano an pagsamba ninda sa saindang mga dios-dios, tanganing maarog man nindo.

Josue 22:28

Napaghorophorop mi, na kun mangyari ini, an samong mga aki makakasabi, ‘Hilinga! An samong mga ginikanan nagtugdok nin altar na kaagid kan altar nin Kagurangnan. Bako iyan para sa mga tinutong na atang o para sa mga sakripisyo kundi bilang tanda para sa samo asin para sa saindo.’

1 Pedro 1:18

Aram nindo kun ano an itinubos saindo tanganing makalda kamo sa mayong pakinabang nindong pamumuhay, na minana pa nindo sa saindong mga ginikanan. An itinubos saindo bakong sarong bagay na nawawara, arog kan plata o bulawan,