2 Mga Hade 15:32 - Marahay na Bareta Biblia

³² Kan ikaduwang taon kan paghahade sa Israel ni Peka na aking lalaki ni Remalias, nagin hade nin Juda si Jotam na aking lalaki ni Uzzias.

2 Mga Hade 15:32 ပူးပေါင်းရင်းမြစ်များ

2 Mga Hade 14:21

Pakatapos, pinili kan bilog na banwaan nin Juda an aking lalaki ni Amazias na si Uzzias, na an edad dyes y seis na taon, na magin kasalihid kan saiyang ama bilang hade.

2 Mga Hade 15:1

Kan ikabeynte y syeteng taon kan paghahade ni Jeroboam Ika Duwa nin Israel, nagin hade nin Juda si Uzzias na aking lalaki ni Amazias.

2 Mga Hade 15:13

Kan ikatreynta y nuebeng taon nin paghahade ni Uzzias sa Juda, nagin hade nin Israel si Sallum na aking lalaki ni Jabes; sarong bulan siyang naghade sa Samaria.

2 Mga Hade 15:17

Kan ikatreynta y nwebeng taon kan paghahade ni Uzzias nin Juda, nagin hade nin Israel si Menahem na aking lalaki ni Gadi, asin sampolong taon siyang naghade sa Samaria.

2 Mga Hade 15:23

Kan ikasingkwentang taon kan paghahade ni Uzzias nin Juda, nagin hade nin Israel si Pekaias na aking lalaki ni Menahem; duwang taon siyang naghade sa Samaria.

2 Mga Hade 15:27

Kan ikasingkwenta y dos na taon nin paghahade ni Uzzias sa Juda, nagin hade nin Israel si Peka na aking lalaki ni Remalias, asin beynteng taon siyang naghade sa Samaria.

2 Mga Hade 15:30

Kan ikabeynteng taon nin paghahade sa Juda ni Jotam na aking lalaki ni Uzzias, nagplano laban ki Hadeng Peka si Hosea na aking lalaki ni Ela. Ginadan ni Hosea si Hadeng Peka asin siya an nagsalihid bilang hade.

2 Mga Hade 15:31

An iba pang ginibo ni Peka gabos nasusurat sa An Kasaysayan kan mga Hade nin Israel.

2 Mga Hade 15:33

Beynte y singkong taon an edad ni Jotam kan siya magin hade, asin dyes y seis na taon siyang naghade sa Jerusalem. An saiyang ina iyo si Jerusa na aki ni Zadok.

2 Mga Hade 15:5

Pinadusahan nin Kagurangnan si Uzzias kaya nagkaigwa siya nin nakakatakot na helang sa kublit sagkod na siya magadan. Nag-erok siya sa sarong siblag na harong. Si Jotam na aki niyang lalaki iyo an namahala kan saiyang harong asin nagpadalagan kan banwaan.

2 Mga Hade 15:7

Nagadan si Uzzias asin ilinubong sa Syudad ni David, sa lulubngan kan mga hade. Si Jotam na saiyang aking lalaki iyo an nagsalihid saiya bilang hade.

1 Mga Cronica 3:12

aki ni Joas si Amazias, na ama ni Uzzias, na ama ni Jotam;

1 Mga Cronica 5:17

An mga talaan na ini tinipon kan panahon ni Hadeng Jotam nin Juda asin ni Hadeng Jeroboam nin Israel.)

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Mikas 1:1

Kan panahon na si Jotam, Ahaz, asin Ezekias iyo an mga hade nin Juda, tinawan nin Kagurangnan si Mikas, na taga Moreset, kan mensaheng ini. Ipinahayag nin Kagurangnan ki Mikas an gabos na bagay na ini dapit sa Samaria saka sa Jerusalem.

Mateo 1:9

si Uzias ama ni Jotam, si Jotam ama ni Acaz, si Acaz ama ni Ezekias;