2 Mga Hade 15:29 - Marahay na Bareta Biblia

²⁹ Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 15:29 ပူးပေါင်းရင်းမြစ်များ

1 Mga Hade 14:15

Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

1 Mga Hade 15:20

Nag-oyon si Hadeng Ben-hadad sa alok ni Asa asin ipinadara niya an saiyang mga opisyal saka an saindang mga hukbo tanganing salakayon an mga syudad nin Israel. Nasakop ninda an Ijon, Dan, Abel-bet-maaca, an lugar na harani sa Danaw nin Galilea, asin an bilog na teritoryo nin Neftali.

1 Mga Hade 9:11

Si Hiram na hade nin Tiro an nagpadara kan mga kahoy na sedro saka aguho, asin kan gabos na bulawan na kaipuhan ni Solomon para sa trabaho. Kan matapos an mga ini, tinawan ni Hadeng Solomon si Hiram nin beynteng banwa sa rehiyon nin Galilea.

2 Mga Hade 15:19

An Israel sinalakay ni Tiglat-pileser na emperador nin Asiria. Tinawan ni Menahem si Tiglat-pileser nin treynta y otso toneladang plata, tanganing makua sana an tabang niya sa pagpakosog kan saiyang kapangyarihan sa Israel.

2 Mga Hade 15:20

Pirit na pinapagbuhis ni Menahem an gabos na mayaman sa Israel nin halagang singkwentang pedaso nin plata, asin ini an itinao niya ki Tiglat-pileser. Kaya nagbalik si Tiglat-pileser sa sadiri niyang banwaan.

2 Mga Hade 15:28

Ginibo niya an maraot sa atubangan kan Kagurangnan huli ta sinunod niya an maraot na paarog ni Hadeng Jeroboam na aking lalaki ni Nebat, na nagpakasala sa Israel.

2 Mga Hade 15:30

Kan ikabeynteng taon nin paghahade sa Juda ni Jotam na aking lalaki ni Uzzias, nagplano laban ki Hadeng Peka si Hosea na aking lalaki ni Ela. Ginadan ni Hosea si Hadeng Peka asin siya an nagsalihid bilang hade.

2 Mga Hade 16:10

Kan si Hadeng Ahaz magduman sa Damasco sa pagsabat ki Tiglat-pileser, nahiling niya an altar sa Damasco. Kaya an padi na si Urias pinadarahan niya nin sarong ladawan kan altar, asin an bilog na detalye kaini.

2 Mga Hade 16:7

Nagsugo si Ahaz nin mga tawohan ki Tiglat-pileser, an emperador nin Asiria; ini an ipinasabi niya: “Ako an maimbod mong sorogoon. Magdigdi ka asin iligtas mo ako sa hade nin Siria asin sa hade nin Israel, na nagsasalakay sako.”

2 Mga Hade 17:20

Isinikwal nin Kagurangnan an gabos na Israelita; pinadusahan niya sinda asin itinao sa kamot kan mga kaiwal sagkod na napara niya sinda sa saiyang panhiling.

2 Mga Hade 17:23

sagkod na pinara sinda nin Kagurangnan sa saiyang panhiling, siring kan saiyang itinaram sa paagi kan gabos niyang propeta na saiyang mga sorogoon. Kaya itinapok an Israel sa Asiria, saen nag-eerok sinda sagkod ngunyan.

2 Mga Hade 17:6

Kan ikasiyam na taon kan paghahade ni Hosea, nasakop kan emperador nin Asiria an Samaria. An mga Israelita dinara niya sa Asiria bilang mga bihag, dangan pinaerok sa syudad nin Hala, asin sa harani kan salog nin Habor sa distrito nin Gozan, saka sa mga syudad nin Media.

2 Mga Hade 18:11

An mga Israelita dinara sa Asiria kan emperador nin Asiria bilang mga bihag dangan pinaerok sa syudad nin Hala, asin sa harani kan Salog nin Habor sa distrito nin Gozan, saka sa mga syudad nin Media.

2 Mga Hade 19:11

Nadangog mo kun ano an ginibo kan emperador nin Asiria sa gabos na banwaan; rinumpag niya an mga banwaan na ini. Sa paghona mo makakadulag ka?

2 Mga Hade 8:11

Dangan pinagparahiling ni Eliseo si Hazael sagkod na masopog ini. Naghibi si Eliseo.

1 Mga Cronica 5:22

Ginadan ninda an kadaklan sa mga kaiwal, huli ta pagboot nin Dios an gera. Padagos sindang nag-erok sa teritoryong idto sagkod kan panahon kan pagtapokan sainda.

1 Mga Cronica 5:26

Kaya pinangyari nin Dios na sakopon an saindang daga ni Pul na emperador kan Asiria (inaapod man sa ngaran na Tiglat-pileser). An mga tribu ni Ruben, Gad, asin Manases sa sirangan itinapok asin duman sinda nag-erok sa Hala, Habor, saka Hara, asin sa may Salog nin Gozan. Duman na sinda nag-erok sagkod ngunyan.

2 Mga Cronica 16:4

Nag-oyon si Benhadad sa alok ni Asa, asin ipinadara niya an saiyang mga opisyal saka an saindang mga hukbo tanganing salakayon an mga syudad nin Israel. Nasakop ninda an Ijon, an Dan asin an Abel-main sagkod an mga sarayan na syudad nin Neftali.

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Isaias 1:7

Rinaot an saimong daga, sinurulo an saimong mga syudad; sa atubang mo sinamsam nin mga dayuhan an saimong daga; rinaot ninda an gabos.

Isaias 37:18

Totoong gayo, O Kagurangnan, na rinaot kan mga emperador nin Asiria, an mga nasyon asin an saindang mga daga.

Isaias 7:16

Alagad bago dumatong an panahon na iyan, mayo nang mag-eerok sa daga kan duwang hade na kinatatakotan mo.

Isaias 7:20

“Pag-abot kan panahon na iyan, matandan an Kagurangnan nin sarong barberong hale sa ibong kan Salog nin Eufrates—an hade nin Asiria—asin aarison niya an saindong barabas sagkod an buhok sa saindong payo saka hawak.

Ezekiel 23:9

Kaya itinao ko siya sa kadorogan niyang mga taga Asiria na saiyang narurungawan.

Levitico 26:32

Raraoton ko nanggad an saindong daga kaya ngangalasan kan saindong mga kaiwal na masakop kaiyan an siring na kamugtakan.

Amos 1:13

Nagtataram an Kagurangnan, “Paulit-ulit na nagkasala an mga taga Ammon, asin huli kaiyan, papadusahan ko sinda. Sa saindang pakigera tanganing mapadakula an saindang teritoryo, linaslas ninda an tulak kan mga babaeng bados sa Gilead,

Amos 1:3

Nagtataram an Kagurangnan, “Paulit-ulit na nagkasala an mga taga Damasco, asin huli kaiyan, papadusahan ko sinda. An mga taga Gilead pinasakitan ninda nin makuri.

Amos 5:27

kun itapok ko na kamo sa dagang nasa ibong kan Damasco,” an sabi nin Kagurangnan, na an ngaran Dios nin mga hukbo.

Amos 6:14

An Kagurangnan mismo, an Dios nin mga hukbo, nagtataram, “Banwaan nin Israel, sarong dayuhan na hukbo an ipapadara ko tanganing sakopon an saindong daga. Aapihon kamo kaiyan magpoon sa Agihan nin Hamat sa amihan sagkod sa Sapa nin Araba sa habagat.”

Mga Bilang 32:1

Dakul nin marahay an ataman na mga hayop kan tribu ni Ruben asin ni Gad. Kan mahiling ninda kun gurano karahay para sa mga baka an daga nin Jazer asin nin Gilead,

Mga Bilang 32:40

Kaya itinao ni Moises an Gilead sa kamaganakan ni Makir, asin duman na sinda nag-erok.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Deuteronomio 3:15

“Itinao ko an Gilead ki Makir kan tribu ni Manases,

Josue 11:1

Kan makaabot ki Hadeng Jabin kan Hazor an bareta kan mga kapangganahan nin Israel, nagpadara siya nin mensahe ki Hadeng Jobab kan Madon, sa mga hade kan Simron asin Acsaf,

Josue 11:10

Dangan nagbalik si Josue asin sinakop an Hazor saka ginadan an hade duman. (Kaidtong panahon, an Hazor iyo an pinakamakosog sa mga kahadean na idto.)

Josue 11:13

Alagad dai sinulo kan mga Israelita an arin man sa mga syudad na itinugdok sa mga bulod; an Hazor sana an sinulo ni Josue.

Josue 12:19

Madon, Hazor,

Josue 16:6

asin sagkod sa Dagat nin Mediteraneo. Nasa amihan ninda an Micmetat. Sa parteng sirangan, an pagdolonan minaliko pasiring sa Taanat-silo, asin minadagos sa Janoa.

Josue 19:35

An mga pinapusog na syudad iyo an Ziddim, Zer, Hammat, Rakkat, Kinneret,

Josue 19:37

Kedes, Edrei, En-hazor,

Josue 20:7

Kaya, sa solnopan kan Salog nin Jordan linaen ninda an Kedes sa Galilea, sa mabulod na daga kan Neftali; an Shekem, sa mabulod na daga kan Efraim; asin an Hebron, sa mabulod na daga kan Juda.

Hukom 18:30

Dangan ibinugtak ninda an mga dios-dios sa sarong lugar tanganing sambahon; si Jonatan na aking lalaki ni Gerson asin makoapo ni Moises iyo an naglingkod bilang padi kan mga taga Dan. An mga aking lalaki ni Jonatan iyo an padagos na naglingkod bilang padi bago nasakop an daga.

Hukom 4:2

Kaya ipinasakop sinda nin Kagurangnan ki Jabin, sarong hadeng Cananeo na naghade sa syudad nin Hazor. Si Sisera, na taga Haroset-hagoiim, iyo an pamayo kan saiyang hukbo.