2 Mga Hade 15:14 - Marahay na Bareta Biblia

¹⁴ Hale sa Tirza, nag-abot sa Samaria si Menahem na aking lalaki ni Gadi. Ginadan niya si Sallum asin siya an nagsalihid bilang hade.

2 Mga Hade 15:14 ပူးပေါင်းရင်းမြစ်များ

1 Mga Hade 14:17

Hidaling naghale an agom ni Jeroboam, asin nagpuli sa Tirza. Pakalaog niya sa pintoan kan saiyang harong, nagadan an saiyang aki.

1 Mga Hade 15:21

Kan madangog ini ni Hadeng Baasa, inontok niya an pagpapusog kan Rama asin nagduman siya sa Tirza.

1 Mga Hade 15:33

Kan ikatolong taon kan paghahade ni Asa sa Juda, nagin hade kan bilog na Israel si Baasa na aking lalaki ni Ahias, asin naghade siya sa Tirza sa laog nin beynte y kwatrong taon.

1 Mga Hade 16:15

Kan ikabeynte y syeteng taon kan paghahade ni Asa sa Juda, naghade si Zimri sa Israel duman sa Tirza sa laog nin pitong aldaw. Sinasalakay kaidto kan mga soldados nin Israel an syudad nin Gibbeton sa Filistia,

1 Mga Hade 16:17

Binayaan ni Omri asin kan saiyang mga soldados an Gibbeton asin sinalakay an Tirza.

2 Mga Hade 15:10

Si Sallum na aking lalaki ni Jabes nagplano laban ki Hadeng Zacarias. Ginadan niya ini sa Ibleam asin siya an nagsalihid bilang hade.

2 Mga Hade 15:15

An iba pang ginibo ni Sallum, sagkod an pagplano niya laban ki Hadeng Zacarias, gabos nasusurat sa An Kasaysayan kan mga Hade nin Israel.

2 Mga Hade 15:17

Kan ikatreynta y nwebeng taon kan paghahade ni Uzzias nin Juda, nagin hade nin Israel si Menahem na aking lalaki ni Gadi, asin sampolong taon siyang naghade sa Samaria.