2 Mga Hade 15:12 - Marahay na Bareta Biblia

¹² Kaya naotob an panuga nin Kagurangnan ki Jehu: “An saimong mga kapagarakian sagkod sa ikaapat na henerasyon magigin mga hade nin Israel.”

2 Mga Hade 15:12 ပူးပေါင်းရင်းမြစ်များ

2 Mga Hade 10:10

Saboton nindo na maootob an lambang tataramon nin Kagurangnan manongod sa kapagarakian ni Ahab, asin pinatotoohan nin Kagurangnan an itinaram niya sa paagi kan propeta niyang si Elias.”

2 Mga Hade 10:30

Sinabihan nin Kagurangnan si Jehu, “Ginibo mo sa kapagarakian ni Ahab an gabos na boot kong gibohon mo. Kaya nanunuga ako na an saimong kapagarakian, sagkod sa ikaapat na henerasyon, magigin mga hade sa Israel.”

2 Mga Hade 13:1

Kan ikabeynte y tres na taon kan paghahade ni Joas na aking lalaki ni Ahazias bilang hade nin Juda, nagin hade nin Israel si Jehoahaz na aking lalaki ni Jehu, asin naghade siya sa Samaria sa laog nin dyes y syeteng taon.

2 Mga Hade 13:10

Kan ikatreynta y syeteng taon kan paghahade ni Joas nin Juda, nagin hade nin Israel si Jehoas na aking lalaki ni Jehoahaz, asin naghade siya sa Samaria sa laog nin dyes y seis na taon.

2 Mga Hade 13:13

Nagadan si Jehoas asin ilinubong sa lulubngan kan mga hade sa Samaria. Si Jeroboam Ika Duwa na aki niyang lalaki iyo an nagsalihid saiya bilang hade.

2 Mga Hade 14:29

Nagadan si Jeroboam asin ilinubong sa lulubngan kan mga hade. Si Zacarias na saiyang aking lalaki iyo an nagsalihid saiya bilang hade.

2 Mga Hade 15:11

An iba pang ginibo ni Zacarias gabos nasusurat sa An Kasaysayan kan mga Hade nin Israel.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Markos 13:31

Mapapara an langit asin an daga, alagad dai mapapara an sakong mga tataramon.

Juan 10:35

Mga dios an apod kan Katogonan sa mga pinaniwalaan kan tataramon nin Dios asin dai pwedeng masudyaan an sinasabi sa kasuratan.

Juan 19:24

Kaya nag-olay-olay an mga soldados, “Dai ta ini pagtabason; pagripahan ta na sana kun siisay an makakakua kaiyan.” Nangyari ini tanganing maotob an kasuratan, “Pinagbaranga ninda an sakong mga gubing; pinagripahan ninda an sakong bado.” Ini an ginibo kan mga soldados.

Mga Gibo 1:16

“Mga tugang, dapat maotob an nasa kasuratan na sinabi kan Espiritu Santo sa paagi ni David dapit ki Judas na iyo an giya kan mga nagdakop ki Jesus.

1 Samuel 3:19

Nagdakula si Samuel na danay na iniibahan nin Kagurangnan; inotob niya an lambang sinabi ni Samuel.