2 Mga Hade 14:3 - Marahay na Bareta Biblia

³ Ginibo niya an matanos sa atubangan nin Kagurangnan, alagad bako siya arog sa saiyang ginikanan na si Hadeng David, huli ta inarog niya an ginibo kan saiyang ama na si Joas.

2 Mga Hade 14:3 ပူးပေါင်းရင်းမြစ်များ

1 Mga Hade 11:4

Kan gurang na si Solomon, dinagka siya kan saiyang mga agom na magsamba sa mga dios-dios. Dai siya nagin maimbod sa Kagurangnan na saiyang Dios, bakong arog kan saiyang ama na si David.

1 Mga Hade 15:11

Ginibo ni Asa an matanos sa atubang nin Kagurangnan, siring kan ginibo ni David na saiyang ginikanan.

1 Mga Hade 15:3

An gabos na kasalan na ginibo kan saiyang ama ginibo man niya, asin dai siya nagin maimbod sa Kagurangnan na saiyang Dios, bakong arog kan saiyang ginikanan na si David.

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

2 Mga Hade 12:2

Ginibo ni Joas an matanos sa atubangan nin Kagurangnan sa bilog niyang pagkabuhay, huli ta tinukdoan siya kan padi na si Jehoiada.

2 Mga Hade 14:2

Beynte y singkong taon an edad ni Amazias kan siya magin hade, asin beynte y nuebeng taon siyang naghade sa Jerusalem. An saiyang ina iyo si Jehoaddin na taga Jerusalem.

2 Mga Hade 14:4

Dai niya ginaba an paganong mga lugar na pagsasambahan, kaya nagpadagos an mga tawo sa pagdolot nin mga sakripisyo asin sa pagtutong nin insenso duman.

2 Mga Hade 18:3

Ginibo niya an matanos sa atubangan nin Kagurangnan, arog kan ginibo ni David na saiyang ginikanan.

2 Mga Hade 22:2

Ginibo ni Josias an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

2 Mga Cronica 24:17

Alagad pakagadan ni Jehoiada, dinagka si Hadeng Joas kan mga lider nin Juda na sinda na an pagdangogon.

2 Mga Cronica 24:2

Ginibo niya an matanos sa atubangan nin Kagurangnan mantang buhay pa an padi na si Jehoiada.

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

1 Pedro 1:18

Aram nindo kun ano an itinubos saindo tanganing makalda kamo sa mayong pakinabang nindong pamumuhay, na minana pa nindo sa saindong mga ginikanan. An itinubos saindo bakong sarong bagay na nawawara, arog kan plata o bulawan,