2 Mga Hade 14:19 - Marahay na Bareta Biblia

¹⁹ Nagkaigwa nin plano laban ki Amazias duman sa Jerusalem kaya nagdulag siya pasiring sa Lakis. Alagad linamag siya duman kan saiyang mga kaiwal dangan ginadan.

2 Mga Hade 14:19 ပူးပေါင်းရင်းမြစ်များ

2 Mga Hade 14:18

An iba pang ginibo ni Amazias gabos nasusurat sa An Kasaysayan kan mga hade nin Juda.

2 Mga Hade 14:20

An saiyang bangkay dinara sa Jerusalem sa ibabaw nin sarong kabayo dangan ilinubong sa Syudad ni David, sa lulubngan kan mga hade.

2 Mga Hade 15:10

Si Sallum na aking lalaki ni Jabes nagplano laban ki Hadeng Zacarias. Ginadan niya ini sa Ibleam asin siya an nagsalihid bilang hade.

2 Mga Hade 15:14

Hale sa Tirza, nag-abot sa Samaria si Menahem na aking lalaki ni Gadi. Ginadan niya si Sallum asin siya an nagsalihid bilang hade.

2 Mga Hade 15:25

Si Peka na aking lalaki ni Remalias, na sarong opisyal kan hukbo ni Pekaias, nagplano laban saiya kaiba an singkwentang lalaki na taga Gilead. Ginadan ninda si Pekaias sa Samaria, sa bantayan kan palasyo, asin si Peka an nagsalihid saiya bilang hade.

2 Mga Hade 15:30

Kan ikabeynteng taon nin paghahade sa Juda ni Jotam na aking lalaki ni Uzzias, nagplano laban ki Hadeng Peka si Hosea na aking lalaki ni Ela. Ginadan ni Hosea si Hadeng Peka asin siya an nagsalihid bilang hade.

2 Mga Hade 18:14

Nagpadara si Ezekias nin mensahe ki Senakerib, na yaon sa Lakis: “Nagkasala ako; ontokon mo an pagsalakay, asin itatao ko an anoman na hagadon mo.” Kaya hinagadan siya kan emperador nin Asiria nin dyes mil na kilo nin plata asin sangribong kilong bulawan.

2 Mga Hade 18:17

Huli kaini an Tartan, an Rabsaris asin an Rabsake kaiba an dakulang hukbo, sinugo kan emperador nin Asiria ki Ezekias duman sa Jerusalem. Pag-abot ninda sa Jerusalem, nagtindog sinda sa may kali na pinagbubulosan kan tubig hale sa itaas na sapa, sa dalan saen nagtatrabaho an mga paragibo nin tela.

2 Mga Hade 21:23

Pinasaluiban si Amon kan saiyang mga opisyal asin ginadan duman sa palasyo.

2 Mga Hade 9:27

Kan mahiling ini ni Hadeng Ahazias, duminulag siya pasiring sa Bet-hagan, alagad linamag siya ni Jehu. “Panaa man nindo siya!” an pagboot ni Jehu sa saiyang mga tawohan; asin pinana ninda siya sa laog kan saiyang karwahe duman sa tukadon nin Gur, harani sa banwa nin Ibleam. Alagad nakadulag si Ahazias pasiring sa Megiddo asin duman siya nagadan.

Jeremias 34:7

mantang sinasalakay kan hukbo kan hade nin Babilonia an Jerusalem, an Lakis asin an Azeka. Iyo na sana ini an natada sa mga pinapusog na syudad sa Juda.

Mikas 1:13

Kamong mga taga Lakis, igakod nindo an mga kabayo sa mga karwahe. Inarog nindo an mga kasalan nin Israel, kaya kamo an nagin dahelan kan pagkasala nin Jerusalem.

Josue 10:3

Kaya nagpadara kan mensaheng ini si Adonizedek ki Hadeng Hoham kan Hebron, ki Hadeng Piram kan Jarmut, ki Hadeng Jafia kan Lakis asin ki Hadeng Debir kan Eglon:

Josue 10:31

Paghale sa Libna, nagpasiring sa Lakis si Josue asin an saiyang hukbo. Pinalibotan ninda an Lakis asin sinalakay.

Josue 15:39

Lakis, Bozkat, Eglon,