2 Mga Hade 13:3 - Marahay na Bareta Biblia

³ Huli kaini, naanggot an Kagurangnan sa Israel kaya paulit-ulit na ipinadaog niya an Israel ki Hadeng Hazael nin Siria asin sa aki kaining si Ben-hadad.

2 Mga Hade 13:3 ပူးပေါင်းရင်းမြစ်များ

1 Mga Hade 19:17

An makadulag sa espada ni Hazael gagadanon ni Jehu; an makadulag sa espada ni Jehu gagadanon ni Eliseo.

2 Mga Hade 12:17

Kan panahon na iyan, sinalakay ni Hadeng Hazael nin Siria an syudad nin Gat asin nasakop ini. Alagad kan mag-isip siya na salakayon an Jerusalem,

2 Mga Hade 13:22

An Israel pinasakitan ni Hadeng Hazael nin Siria sa bilog na panahon kan paghahade ni Jehoahaz,

2 Mga Hade 17:20

Isinikwal nin Kagurangnan an gabos na Israelita; pinadusahan niya sinda asin itinao sa kamot kan mga kaiwal sagkod na napara niya sinda sa saiyang panhiling.

Jeremias 49:27

Susuloon ko an mga kudal kan Damasco saka tututongon ko an palasyo ni Hadeng Ben-hadad. Ako, an Kagurangnan nin mga hukbo, an nagtaram.”

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Amos 4:10

“Nagpadara ako nin peste sa saindo arog kan peste na ipinadara ko sa Egipto. Ginadan ko sa gera an hoben nindong mga lalaki asin sinamsam an saindong mga kabayo. Pinano ko an saindong mga dungo kan parong nin mga gadan sa saindong mga kampo, alagad dai man giraray kamo nagbalik sa sako.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.

Hebreyo 12:29

huli ta an satong Dios garo kalayong nanghahalon.

Hukom 2:14

Kaya naanggot nin marahay sa sainda an Kagurangnan asin tinugotan niyang paghabonan asin salakayon an mga Israelita. Tinugotan niyang daogon kan mga kaiwal ninda an Israel, sagkod na dai na ninda kayang iligtas an saindang sadiri.

Hukom 3:8

Kaya naanggot sainda nin marahay an Kagurangnan asin pinabayaan niyang sakopon sinda kan hadeng si Cusan Risataim kan Mesopotamia; nagin oripon niya sinda sa laog nin walong taon.