2 Mga Hade 13:24 - Marahay na Bareta Biblia

²⁴ Pakagadan ni Hadeng Hazael nin Siria, nagin hade si Ben-hadad na saiyang aki.

2 Mga Hade 13:24 ပူးပေါင်းရင်းမြစ်များ

1 Mga Hade 15:18

Kaya kinua ni Asa an gabos na plata saka bulawan na natada sa Templo asin sa palasyo, dangan ipinadara niya sa Damasco. An saiyang mga opisyal iyo an nagdara kan mga bagay na ini ki Hadeng Ben-hadad nin Siria, na aking lalaki ni Tabrimon asin makoapo ni Hezion. Siring kaini an ipinasabi ni Asa:

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

2 Mga Hade 13:25

Dangan tolong beses na nadaog si Ben-hadad ni Hadeng Jehoas nin Israel. Nabawi ni Jehoas an mga syudad na nasakop ni Ben-hadad sa panahon kan paghahade ni Jehoahaz, na ama ni Jehoas.

2 Mga Hade 13:3

Huli kaini, naanggot an Kagurangnan sa Israel kaya paulit-ulit na ipinadaog niya an Israel ki Hadeng Hazael nin Siria asin sa aki kaining si Ben-hadad.

Salmo 125:3

Huli ta an mga tampalasan dai maghahade sa daga na ipinamana sa mga matanos, ta tibaad sagkod an mga matanos maggibo nin karatan.

Lukas 18:7

Dai daw itatao nin Dios an katanosan sa saiyang mga pinili na nag-aagrangay saiya aldaw-banggi? Mag-aabala daw siya sa pagtabang sainda?