2 Mga Hade 13:19 - Marahay na Bareta Biblia

¹⁹ Huli kaini, naanggot si Eliseo kaya sinabihan niya an hade, “Nagpana ka kutana nin lima o anom na beses, dangan bilog na panggana kutana an makakamtan mo laban sa mga taga Siria. Alagad ngunyan tolong beses mo sana sindang madadaog.”

2 Mga Hade 13:19 ပူးပေါင်းရင်းမြစ်များ

2 Mga Hade 13:18

Dangan sinabihan ni Eliseo an hade na kuahon an ibang bosog asin ipana sa daga. Tolong beses na nagpana an hade, dangan nag-ontok.

2 Mga Hade 13:25

Dangan tolong beses na nadaog si Ben-hadad ni Hadeng Jehoas nin Israel. Nabawi ni Jehoas an mga syudad na nasakop ni Ben-hadad sa panahon kan paghahade ni Jehoahaz, na ama ni Jehoas.

2 Mga Hade 4:16

Nagsabi saiya si Eliseo, “Sa siring kaining panahon, sa sunod na taon, mangangaki ka nin sarong lalaki.” Nagsabi an babae, “Sorogoon nin Dios, dai ka magputik sako!”

2 Mga Hade 4:40

Pakaluto, nagluwag siya tanganing magkakan an mga lalaki. Alagad kan manamitan an linuto, nagsabi an mga lalaki, “Sorogoon nin Dios, may hudong ini!” Asin dai na ninda kinakan idto.

2 Mga Hade 5:20

nagsaboot si Gehazi na sorogoon ni Eliseo, “Pinahale kan sakong kagurangnan si Naaman na dai nagbayad. Inako niya kutana an dinara saiya kan Siro. Huli sa ngaran kan buhay na Kagurangnan lalamagon ko siya asin makua ako sa saiya nin maski ano.”

2 Mga Hade 6:9

Alagad pinasabihan ni Eliseo an hade nin Israel, “Likayan mo nanggad an lugar na idto, huli ta naghihipa duman an mga taga Siro.”

Jeremias 48:10

Maldisyonon an tawong pabaya sa pagsunod sa trabaho nin Kagurangnan! Maldisyonon an tawong dai naninigbas saka dai nanggagadan!)

Levitico 10:16

Naghapot si Moises manongod sa kanding na dolot para sa kasalan asin naisihan niya na tinutong na idto. Naanggot siyang marahay ki Eleazar saka ki Itamar. Hinapot niya sinda,

Mga Bilang 16:15

Naanggot nin marahay si Moises dangan nagsabi sa Kagurangnan, “Dai mo pag-akoon an ano man na dolot na dadarahon kan mga lalaking ini. Dai ako naggibo nin maraot sainda; dai ako nagkua minsan saro kan saindang mga asno.”

Markos 10:14

Kan mahiling ini ni Jesus, naanggot siya asin sinabihan sinda, “Pabayae nindong magdolok sako an mga aki! Dai nindo sinda pag-olangon, huli ta para sa mga arog sainda an Kahadean nin Dios.

Markos 3:5

Anggot na hiniling ni Jesus an mga tawo asin nagmondo siya huli sa katagasan kan saindang puso. Sinabihan niya an lalaki, “Unata an kamot mo.” Inunat kan lalaki an kamot niya dangan naomayan idto.

Markos 6:5

Kaya dai siya nakagibo nin anoman na milagro duman, pwera kan nagkapirang naghehelang na dinutaan niya asin binolong.