2 Mga Hade 12:9 - Marahay na Bareta Biblia

⁹ Dangan nagkua si Jehoiada nin sarong kahon, linabotan an takop, asin ibinugtak idto sa kataed kan altar, sa toong parte palaog sa Templo. Digdi ilinalaog kan padi na nagbabantay sa pintoan an gabos na kwarta na itinao kan mga parasamba.

2 Mga Hade 12:9 ပူးပေါင်းရင်းမြစ်များ

2 Mga Hade 12:8

Nag-oyon an mga padi na bako na sinda an masaray kan kwarta asin an mahirahay kan Templo.

2 Mga Hade 22:4

“Dumuman ka ki Hilkias na halangkaw na padi asin aramon mo an halaga kan kwarta na kinolekta sa mga tawo kan mga pading bantay sa agihan pasiring sa Templo.

2 Mga Hade 23:4

Dangan pinagbotan kan hade si Hilkias, an halangkaw na padi, an katabang kaining mga padi, asin an mga bantay sa agihan pasiring sa Templo na iluwas sa Templo an mga kagamitan na manongod ki Baal, ki Asera, saka sa mga bitoon. Ipinasulo kan hade an gabos na kagamitan sa luwas kan Jerusalem, sa Kapantayan nin Kidron, asin ipinadara niya sa Betel an mga abo.

2 Mga Hade 25:18

Laen pa kaini, binihag ni Nebuzaradan, na pamayong opisyal kan hukbo kan hade, si Seraias na Halangkaw na Padi, si Zofonias na ikaduwang padi, asin an tolong bantay sa Templo.

Salmo 84:10

Sarong aldaw sa laog nin saimong mga patyo orog na marahay ki sa sangribong aldaw sa ibang lugar. Papaorogon ko an magtindog sa trangkahan kan harong nin sakong Dios, ki sa mag-erok sa harong nin mga tampalasan.

Jeremias 35:4

dangan dinara ko sinda sa Templo. Ipinag-iba ko sinda sa kwarto kan mga disipulo ni Hanan na aking lalaki ni Igdalias. An kwartong ini nasa itaas kan kwarto ni Maaseias na aking lalaki ni Sallum, na sarong halangkaw na opisyal sa Templo, asin harani sa mga kwarto kan ibang mga opisyal.

Jeremias 52:24

Laen pa kaini, binihag ni Nebuzaradan na pamayong opisyal kan hukbo kan hade, si Seraias na halangkaw na padi, si Sofonias na ikaduwang padi, asin an tolong bantay sa Templo.

Markos 12:41

Mantang nagtutukaw si Jesus sa laog kan Templo, harani sa lalagan kan limos, minasdan niya an mga tawong naghuhulog kan saindang kwarta. Dakul na mayayaman an naghulog nin dakul na kwarta.

Lukas 21:1

Nangalagkalag si Jesus asin namasdan niya an mga mayaman na naghuhulog kan saindang mga dolot sa lalagan nin limos kan Templo.