2 Mga Hade 12:7 - Marahay na Bareta Biblia

⁷ Kaya ipinaapod ni Joas si Jehoiada saka an ibang padi. Hinapot niya sinda, “Tano ta dai nindo hinihirahay an Templo? Magpoon ngunyan dai na nindo sasarayon an kwarta na inaako nindo; kaipuhan mamugtak iyan sa paghirahay kan Templo.”

2 Mga Hade 12:7 ပူးပေါင်းရင်းမြစ်များ

2 Mga Hade 11:4

Alagad pag-abot kan ikapitong taon, ipinaapod kan pading si Jehoiada an mga opisyal na namamahala kan mga bantay kan hade. Pinaduman niya an mga opisyal na ini sa Templo saka nakipagtipan sainda; pinasumpa niya sinda duman sa Templo. Pakatapos, ipinahiling niya sainda an aking lalaki kan hade.

2 Mga Hade 12:2

Ginibo ni Joas an matanos sa atubangan nin Kagurangnan sa bilog niyang pagkabuhay, huli ta tinukdoan siya kan padi na si Jehoiada.

2 Mga Hade 12:6

Alagad kan ikabeynte y tres na taon kan paghahade ni Joas dai pa hinihirahay kan mga padi an Templo.

2 Mga Hade 12:8

Nag-oyon an mga padi na bako na sinda an masaray kan kwarta asin an mahirahay kan Templo.

1 Mga Cronica 21:3

Nagsimbag si Joab, “Gibohon logod nin Kagurangnan na magdakul pa nin sanggatos na beses an bilang ngunyan kan namamanwaan sa Israel! Mahal na Hade, mga sorogoon mo sinda gabos. Tadaw ta boot mong gibohon ini? Tadaw ta boot mong magkasala an bilog na nasyon?”

2 Mga Cronica 23:1

Alagad pag-abot kan ikapitong taon, pinakosog ni Jehoiada an saiyang boot asin nakipagtipan siya sa limang opisyal kan hukbo na iyo si Azarias na aking lalaki ni Jeroham, si Ismael na aking lalaki ni Jehohanan, si Azarias na aking lalaki ni Obed, si Maaseias na aking lalaki ni Adaias, saka si Elisafat na aking lalaki ni Zikri.

2 Mga Cronica 24:16

Ilinubong siya sa Syudad ni David, sa lulubngan kan mga hade, huli ta naggibo siya nin karahayan sa Israel, sa Dios asin sa Templo.

Hageo 1:2

An Kagurangnan nin mga hukbo nagsabi ki Hageo, “An mga tawong ini nagsasabi na bako pa ini an tamang panahon sa paghirahay kan Templo.”