2 Mga Hade 12:4 - Marahay na Bareta Biblia

⁴ Ipinaapod ni Joas an mga padi asin sinabihan na tiponon an kwartang ibinabayad para sa mga sakripisyo sa Templo—an kwartang ibinabayad para sa regular na sakripisyo asin an itinatao bilang boluntad na regalo.

2 Mga Hade 12:4 ပူးပေါင်းရင်းမြစ်များ

1 Mga Hade 3:2

Mayo pa nin itinugdok na templo para sa Kagurangnan, kaya an mga tawo nagdodolot nin mga sakripisyo sa manlaen-laen na altar.

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

1 Mga Hade 7:1

Ipinatugdok man ni Solomon an saiyang palasyo asin natapos ini sa laog nin treseng taon.

2 Mga Hade 12:18

kinua ni Hadeng Joas nin Juda an gabos na dolot na itinalaga sa Kagurangnan ni Jehosafat, Jehoram, asin Ahazias, an mga hadeng naenot saiya. Kinua man niya an sadiri niyang mga dolot asin an gabos na bulawan sa kaban nin yaman duman sa Templo saka sa palasyo, dangan ipinadara gabos ki Hadeng Hazael. Kaya dai na sinalakay ni Hadeng Hazael an Jerusalem.

2 Mga Hade 12:5

An lambang padi iyo an namahala sa kwartang dinara kan saiyang pinaglingkodan. Dangan an kwarta gagamiton ninda sa paghirahay kan Templo sa oras na may mahiling digdi na dapat hirahayon.

2 Mga Hade 14:4

Dai niya ginaba an paganong mga lugar na pagsasambahan, kaya nagpadagos an mga tawo sa pagdolot nin mga sakripisyo asin sa pagtutong nin insenso duman.

2 Mga Hade 15:4

Alagad dai niya ginaba an paganong mga lugar na pagsasambahan kaya nagpadagos an mga tawo sa pagdolot nin mga sakripisyo asin sa pagtutong nin insenso duman.

2 Mga Hade 16:4

Nagdolot siya nin atang saka nagtutong nin insenso sa paganong mga lugar na pagsasambahan, sa kabubuldan, asin sa lindong kan lambang marambong na kahoy.

2 Mga Hade 17:11

Nagtutong sinda nin insenso sa gabos na paganong altar, arog kan ginibo kan mga nasyon na pinahale nin Kagurangnan sa daga. Pinaanggot ninda an Kagurangnan huli kan maraot nindang mga gibo

2 Mga Hade 22:4

“Dumuman ka ki Hilkias na halangkaw na padi asin aramon mo an halaga kan kwarta na kinolekta sa mga tawo kan mga pading bantay sa agihan pasiring sa Templo.

1 Mga Cronica 18:11

An mga regalong ini idinusay ni Hadeng David sa Kagurangnan, kaiba an mga plata asin bulawan na sinamsam niya hale sa mga nasyon na saiyang nadaog—an Edom, Moab, Ammon, Filistia, asin Amalek.

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

2 Mga Cronica 15:18

Ibinugtak niya sa Templo an gabos na bagay na kinonsagra sa Dios kan saiyang ama, sagkod an itinao niyang mga bulawan, plata, asin mga banal na kagamitan.

2 Mga Cronica 31:12

Maimbod na sinaray ninda duman an mga dolot, an mga himoloan saka an mga bagay na kinonsagra. An opisyal na namahala kaini iyo an Levita na si Conanias, asin an tugang niyang si Simei iyo an saiyang katabang.

2 Mga Cronica 35:2

Itinao niya sa mga padi an saindang mga katongdan sa Templo, asin sinadol niya sinda na pakarahayon an saindang paglingkod.

Esdras 1:6

Tinabangan sinda kan mga kataraed ninda huli sa pagtao nin mga platang kagamitan, mga bulawan, mga kagamitan, mga hayop, asin iba pang mahalagang mga bagay, laen pa kan boluntad na atang para sa Templo.

Esdras 2:69

Nagtao sinda sosog sa saindang makakaya para sa trabahong ini, asin an kabilogan na bilang kan saindang itinao uminabot sa kinyentos na kilo nin bulawan, dos mil otso syentos na kilo nin plata asin sanggatos na gubing para sa mga padi.

Esdras 7:16

Darahon mo man an gabos na plata saka bulawan na nakokolekta mo sa bilog na probinsya nin Babilon asin an boluntad na mga dolot kan mga tawo saka mga padi para sa Templo nin saindang Dios sa Jerusalem.

Exodo 35:22

An gabos na boot magdolot, lalaki man o babae, nagdarara nin mga magayon na alpiler, hikaw, singsing, pulseras asin iba pang mga alahas na bulawan dangan idinolot ninda ini gabos sa Kagurangnan.

Exodo 35:29

Nagdarara kaining mga dolot an gabos na Israelita na boot magtabang, lalaki man o babae, bilang dolot sa Kagurangnan para sa trabaho na ipinapagibo niya ki Moises.

Exodo 35:5

Magtao kamo nin dolot sa Kagurangnan. An siisay man na boot magdolot, magtao nin bulawan, plata o bronse;

Exodo 36:3

Inako ninda ki Moises an gabos na dolot kan mga Israelita para sa pagtugdok kan Tabernakulo. Aga-aga, an mga Israelita padagos man giraray sa pagdara ki Moises kan saindang mga dolot.

Levitico 27:31

Kun boot nin sarong tawo na tuboson iyan, mabayad siya kan kinaugalean na kantidad asin madagdag nin beynte porsyento.

Lukas 21:4

huli ta sinda gabos nagtao kan sobra nindang kwarta, alagad siya sa saiyang pagkadukha, nagtao kan gabos niyang ikabubuhay.”