2 Mga Hade 12:21 - Marahay na Bareta Biblia

²¹ An mga opisyal na guminadan saiya iyo si Jozacar na aking lalaki ni Simeat asin si Jehozabad na aking lalaki ni Somer. Ilinubong si Joas sa lulubngan kan mga hade sa Syudad ni David. Si Amazias na saiyang aking lalaki iyo an nagsalihid saiya bilang hade.

2 Mga Hade 12:21 ပူးပေါင်းရင်းမြစ်များ

2 Samuel 5:9

Duman na nag-erok si David sa bantayan asin nginaranan niya ining “Syudad ni David.” Pinadakula niya an syudad magpoon sa lugar na tinambakan nin daga sa sirangan na parte kan bulod.

1 Mga Hade 15:27

Nagplano laban ki Nadab si Baasa na aking lalaki ni Ahias, na gikan sa tribu ni Issakar, asin mantang sinasalakay ni Nadab asin kan saiyang hukbo an Gibbeton sa Filistia, ginadan siya ni Baasa.

2 Mga Hade 10:9

Pagkaaga, nagduman siya sa trangkahan asin sinabihan an mga tawo, “Ako an nagplano laban ki Hadeng Joram asin ginadan ko siya; dai kamo maninimbag kaiyan. Alagad siisay an guminadan kan mga ini?

2 Mga Hade 13:1

Kan ikabeynte y tres na taon kan paghahade ni Joas na aking lalaki ni Ahazias bilang hade nin Juda, nagin hade nin Israel si Jehoahaz na aking lalaki ni Jehu, asin naghade siya sa Samaria sa laog nin dyes y syeteng taon.

2 Mga Hade 14:1

Kan ikaduwang taon kan paghahade ni Jehoas na aking lalaki ni Jehoahaz sa Israel, nagin hade nin Juda si Amazias na aking lalaki ni Joas.

2 Mga Hade 14:19

Nagkaigwa nin plano laban ki Amazias duman sa Jerusalem kaya nagdulag siya pasiring sa Lakis. Alagad linamag siya duman kan saiyang mga kaiwal dangan ginadan.

2 Mga Hade 14:5

Kan pusog na an saiyang kapangyarihan bilang hade, ipinagadan ni Amazias an mga opisyal na guminadan sa saiyang ama.

2 Mga Hade 15:10

Si Sallum na aking lalaki ni Jabes nagplano laban ki Hadeng Zacarias. Ginadan niya ini sa Ibleam asin siya an nagsalihid bilang hade.

2 Mga Hade 9:14

Dangan nagplano si Jehu kan saiyang gigibohon ki Hadeng Joram mantang ini yaon sa Jezreel. Nagpapabolong kaidto si Joram kan mga lugad na nakua niya sa pakilaban sa Ramot-gilead laban ki Hadeng Hazael nin Siria. Sinabihan ni Jehu an kapwa niya opisyal, “Kun kaapil ko kamo, mangnohon nanggad nindo na dai nin makaluwas sa Ramot-gilead tanganing magpatanid sa Jezreel.”

2 Mga Hade 9:27

Kan mahiling ini ni Hadeng Ahazias, duminulag siya pasiring sa Bet-hagan, alagad linamag siya ni Jehu. “Panaa man nindo siya!” an pagboot ni Jehu sa saiyang mga tawohan; asin pinana ninda siya sa laog kan saiyang karwahe duman sa tukadon nin Gur, harani sa banwa nin Ibleam. Alagad nakadulag si Ahazias pasiring sa Megiddo asin duman siya nagadan.

2 Mga Cronica 24:25

Nalugadan nin makuri si Hadeng Joas asin kan magharale na an mga kaiwal, duwa sa saiyang mga opisyal an nagpasaluib saiya. Ginadan ninda si Joas sa saiyang higdaan bilang pagbalos sa pagkagadan kan aki kan padi na si Jehoiada. Ilinubong si Joas sa Syudad ni David, alagad dai siya ilinubong sa lulubngan kan mga hade. (