2 Mga Hade 11:4 - Marahay na Bareta Biblia

⁴ Alagad pag-abot kan ikapitong taon, ipinaapod kan pading si Jehoiada an mga opisyal na namamahala kan mga bantay kan hade. Pinaduman niya an mga opisyal na ini sa Templo saka nakipagtipan sainda; pinasumpa niya sinda duman sa Templo. Pakatapos, ipinahiling niya sainda an aking lalaki kan hade.

2 Mga Hade 11:4 ပူးပေါင်းရင်းမြစ်များ

Genesis 50:25

Dangan pinasumpa ni Jose an mga kapagarakian ni Israel, “Magsumpa kamo sako na kun darahon na kamo nin Dios sa dagang panuga, na dadarahon nindo an sakong bangkay.”

2 Samuel 20:23

Si Joab an namayo kan hukbo nin Israel; si Benaias na aking lalaki ni Jehoiada an namahala kan mga bantay ni David;

2 Samuel 8:18

si Benaias, na aking lalaki ni Johoiada, iyo an namahala kan mga parabantay ni David, asin an mga aking lalaki ni David iyo an mga padi.

1 Mga Hade 14:27

Rinibayan ini ni Hadeng Rehoboam nin mga kalasag na bronse asin pinaingatan sa mga opisyal na nagbabantay kan mga trangkahan kan palasyo.

1 Mga Hade 18:10

Sa ngaran kan buhay na Kagurangnan na saimong Dios, minasumpa ako na ipinahanap ka kan hade sa lambang daga sa kinaban. Kun an pamayo kan daga minapahayag na mayo ka na sa saiyang daga, pinapasumpa ni Ahab an pamayong idto na dai ka mananggad manumpongan.

2 Mga Hade 11:17

Nakipagtipan si Jehoiada sa Kagurangnan dangan sa hade asin sa banwaan, na sinda gabos iyo an magigin banwaan nin Kagurangnan; nakipagtipan man siya sa hade saka sa banwaan.

2 Mga Hade 11:19

Dangan kaiba an mga opisyal kan hukbo, an mga bantay kan hade, an mga bantay kan palasyo, asin an bilog na banwaan dinara ni Jehoiada an hade hale sa Templo pasiring sa palasyo. Duman sinda nag-agi sa Trangkahan nin Bantay, dangan nagtukaw si Joas sa saiyang trono.

2 Mga Hade 11:3

Sa laog nin anom na taon itinago ni Jehosheba si Joas duman sa Templo, mantang si Atalia an namayo bilang reyna.

2 Mga Hade 11:9

Kinuyog kan mga opisyal an pagboot ni Jehoiada. An mga lalaki na mayo na nin trabaho sa aldaw nin Sabbath dai na ninda pinahale kundi padagos na pinapaglingkod kaiba kan maralaog sa trabaho sa aldaw na iyan, dangan dinara ninda an mga ini sa pading si Jehoiada.

2 Mga Hade 12:7

Kaya ipinaapod ni Joas si Jehoiada saka an ibang padi. Hinapot niya sinda, “Tano ta dai nindo hinihirahay an Templo? Magpoon ngunyan dai na nindo sasarayon an kwarta na inaako nindo; kaipuhan mamugtak iyan sa paghirahay kan Templo.”

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

1 Mga Cronica 9:13

An bilang kan mga padi na pamayo kan saindang mga pamilya uminabot sa mil syete syentos sesenta. Mga eksperto sinda gabos sa trabahong paglingkod sa Templo.

2 Mga Cronica 15:12

Naggibo sinda nin tipan, saen nanumpa sinda na sasambahon an Kagurangnan, an Dios kan saindang mga ginikanan, sa bilog nindang puso asin kalag.

2 Mga Cronica 29:10

Nasa puso ko ngunyan an pakipagtipan sa Kagurangnan, an Dios nin Israel, tanganing dai na siya maanggot satuya.

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Nehemias 5:12

Nagsirimbag an mga lider, “Kukuyogon mi an sinabi mo. Iuuli mi an pagsadiri ninda asin dai mi na sisingilon an samong mga pautang.” Inapod ko an mga padi asin pinasumpa an mga lider sa atubang ninda tanganing otobon ninda an saindang panuga.

Nehemias 9:38

Huli kan mga nangyaring ini, kami, an banwaan nin Israel, minagibo nin sarong masasarigan na nasusurat na tipan, na pipirmahan kan samong mga lider, kan samong mga Levita, saka samong mga padi.

Mga Gibo 5:24

Kan madangog ini kan kapitan kan mga bantay sa Templo asin kan mga poon na padi, nagkarilibong sinda kun ano an nangyari sa mga apostol.

Mga Gibo 5:26

Kaya nagduman sa Templo an opisyal saka an mga tawohan niya; dinakop giraray ninda an mga apostol. Alagad dai sinda naggamit nin kosog, huli ta natakot sinda na tibaad gapoon sinda kan mga tawo.

Josue 24:25

Kaya sa aldaw na idto, nakipagtipan si Josue sa mga tawo, asin duman sa Shekem tinawan niya sinda nin mga togon saka mga pagboot na susunodon.

1 Samuel 18:3

Nagsumpa si Jonatan kan saiyang daing tapos na pakikitood ki David huli ta namotan niya si David siring kan pagkamoot niya sa saiyang sadiri.

1 Samuel 23:18

Dangan naggibo sindang duwa nin tipan sa atubangan nin Kagurangnan. Pakatapos, nagpuli sa saiyang harong si Jonatan, alagad nagpawalat si David sa Hores.