2 Mga Hade 11:17 - Marahay na Bareta Biblia

¹⁷ Nakipagtipan si Jehoiada sa Kagurangnan dangan sa hade asin sa banwaan, na sinda gabos iyo an magigin banwaan nin Kagurangnan; nakipagtipan man siya sa hade saka sa banwaan.

2 Mga Hade 11:17 ပူးပေါင်းရင်းမြစ်များ

2 Samuel 5:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sainda sa atubangan nin Kagurangnan, asin linahidan ninda si David bilang hade nin Israel.

2 Mga Hade 11:4

Alagad pag-abot kan ikapitong taon, ipinaapod kan pading si Jehoiada an mga opisyal na namamahala kan mga bantay kan hade. Pinaduman niya an mga opisyal na ini sa Templo saka nakipagtipan sainda; pinasumpa niya sinda duman sa Templo. Pakatapos, ipinahiling niya sainda an aking lalaki kan hade.

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

1 Mga Cronica 11:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sa sainda sa atubangan nin Kagurangnan, asin linahidan ninda si David bilang hade nin Israel, siring sa ipinanuga nin Kagurangnan sa paagi ni Samuel.

2 Mga Cronica 23:16

Nakipagtipan si Jehoiada sa hade saka sa mga tawo na sinda gabos iyo an magigin banwaan nin Kagurangnan.

2 Mga Cronica 29:10

Nasa puso ko ngunyan an pakipagtipan sa Kagurangnan, an Dios nin Israel, tanganing dai na siya maanggot satuya.

2 Mga Cronica 34:31

Nagtindog an hade sa saiyang lugar asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro.

Esdras 10:3

Ngunyan kaipuhan na manuga kita sa satuyang Dios na papalayason nyato an mga babaeng ini asin an saindang mga aki. Gigibohon mi an pagboot mo asin kan gabos na nag-oomaw sa Dios. Gigibohon mi an hinahagad kan Katogonan nin Dios.

Nehemias 9:38

Huli kan mga nangyaring ini, kami, an banwaan nin Israel, minagibo nin sarong masasarigan na nasusurat na tipan, na pipirmahan kan samong mga lider, kan samong mga Levita, saka samong mga padi.

Jeremias 34:8

Nagkaoroyon si Hadeng Zedekias asin an mga taga Jerusalem na talingkasan

2 Corinto 8:5

An ginibo ninda labi pa sa pinaglalaom nyamo. Enot, idinolot ninda an saindang buhay sa Kagurangnan; dangan, huli sa kabotan nin Dios, idinolot man ninda samo an saindang buhay.

Josue 24:25

Kaya sa aldaw na idto, nakipagtipan si Josue sa mga tawo, asin duman sa Shekem tinawan niya sinda nin mga togon saka mga pagboot na susunodon.

1 Samuel 10:25

Ipinaliwanag ni Samuel sa mga tawo an mga deretso asin an mga katongdan nin sarong hade, dangan isinurat niya ini sa sarong libro na saiyang sinaray sa sarong banal na lugar. Pakatapos, pinapuli niya an gabos sa saindang harong.