2 Mga Hade 11:14 - Marahay na Bareta Biblia

¹⁴ Nahiling niya duman an bagong hade na nakatindog sa may harigi, sosog sa kaugalean, napapalibotan kan mga opisyal kan hukbo asin kan mga paratrompeta. An gabos na tawo maogmang nagkukurahaw saka nagpapatanog kan mga trompeta. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Hade 11:14 ပူးပေါင်းရင်းမြစ်များ

Genesis 37:29

Kan balikan ni Ruben an bubon asin nahiling na mayo na duman si Jose, ginisi niya an saiyang gubing sa kamondoan.

Genesis 44:13

Sa kamondoan kan magturugang, ginirisi ninda an saindang gubing, dangan ikinarga sa mga asno an saindang dara asin nagbalik sa syudad.

1 Mga Hade 1:25

Ngunyan na aldaw naghale siya asin nag-atang nin dakul na baka, karnero, asin mga pinatabang torilyong baka. Inalok niya sa saiyang bangkete an gabos mong aking lalaki, si Joab na pamayo kan saimong hukbo, asin an padi na si Abiatar. Sa oras na ini, nagkakarakan asin nag-iirinom sinda sa kaibahan niya asin nagkukururahaw, ‘Mabuhay si Hadeng Adonias!’

2 Mga Hade 11:15

Habo ni Jehoiada na gadanon si Atalia sa laog kan Templo kaya pinagbotan niya an mga opisyal kan hukbo, “Isiblag siya sa grupo kan mga bantay, asin gadanon nindo an siisay man na maghingowang magligtas saiya.”

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

2 Mga Hade 9:13

Kaya hinuba kan mga opisyal an saindang alikboy asin biniklad sa ibabaw kan hagdan tanganing tindogan ni Jehu. Pinatanog ninda an mga trompeta asin nagkurahaw, “Si Jehu iyo an hade!”

2 Mga Hade 9:23

“Kapasaluiban ini, Ahazias!” an kurahaw ni Joram. Ibinalik ni Joram an saiyang karwahe asin duminulag.

1 Mga Cronica 12:40

Hale pa sa hararayong mga tribu ni Issakar, Zabulon, asin Neftali, nag-abot an mga tawo na may darang mga asno, kamelyo, mula, asin baka na gabos may lunad na pagkakan—mga arina, higera, pasas, arak asin lana, nin oliba. Nagdara man sinda nin mga baka asin mga karnero na bubunoon asin kakanon. An gabos na ini tanda kan kaogmahan na namatean kan bilog na Israel.

2 Mga Cronica 34:31

Nagtindog an hade sa saiyang lugar asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro.

Mga Talinhaga 29:2

Kun an matanos iyo an nagkakapot kan kapangyarihan, nag-oogma an banwaan; alagad kun an maraot iyo an namamayo, nag-aagrangay an katawohan.

Lukas 19:37

Kan nagdadangadang na siya sa Jerusalem—palugsot hale sa Bukid nin mga Oliba—an gabos na disipulo nagpoon magpasalamat asin mag-omaw sa Dios sa makosog na tingog huli kan gabos na makangangalas na bagay na nahiling ninda. An sabi ninda,