2 Mga Hade 11:12 - Marahay na Bareta Biblia

¹² Dangan ilinuwas ni Jehoiada si Joas, kinoronahan, saka tinawan kan kopya kan katogonan nin paghahade. Ginibo nindang hade si Joas; asin linahidan ini nin lana. Dangan nag-oropak an mga tawo saka nagkururahaw, “Mabuhay an hade!”

2 Mga Hade 11:12 ပူးပေါင်းရင်းမြစ်များ

2 Samuel 1:10

Kaya nagdolok ako saiya asin ginadan ko siya, huli ta aram ko man sanang magagadan siya sa oras na matumba siya. Dangan kinua ko an saiyang korona saka pangbrasong pulseras asin dinara ko digdi saimo, kagurangnan.”

2 Samuel 12:30

An hade kan mga Ammonita igwa nin bulawan na korona na an timbang minaabot sa treynta y singko kilos. Igwa ini nin tampok na mahalagang bato, na kinua ni David asin ibinugtak sa saiyang korona. Kinua man niya an dakulang halaga nin sinamsam hale sa syudad.

2 Samuel 16:16

Kan masabatan si Absalom ni Husai, na katood ni David, nagkurahaw si Husai, “Mabuhay an hade! Mabuhay an hade!”

2 Samuel 2:4

Dangan nagduman sa Hebron an kalalakihan kan Juda asin linahidan ninda si David bilang hade nin Juda. Kan maaraman ni David na ilinubong kan mga taga Jabes sa Gilead an bangkay ni Saul,

2 Samuel 2:7

Magmakosog asin magmaisog kamo; gadan na si Saul na saindong hade, asin linahidan na ako kan mga taga Juda bilang saindang hade.”

2 Samuel 5:3

Kaya nagduman ki Hadeng David sa Hebron an gabos na kamagurangan nin Israel. Nakipagtipan siya sainda sa atubangan nin Kagurangnan, asin linahidan ninda si David bilang hade nin Israel.

1 Mga Hade 1:25

Ngunyan na aldaw naghale siya asin nag-atang nin dakul na baka, karnero, asin mga pinatabang torilyong baka. Inalok niya sa saiyang bangkete an gabos mong aking lalaki, si Joab na pamayo kan saimong hukbo, asin an padi na si Abiatar. Sa oras na ini, nagkakarakan asin nag-iirinom sinda sa kaibahan niya asin nagkukururahaw, ‘Mabuhay si Hadeng Adonias!’

1 Mga Hade 1:34

Lalahidan siya duman ni Zadok asin ni Natan bilang hade nin Israel. Dangan patanogon nindo an trompeta asin magkurahaw kamong, ‘Mabuhay si Hadeng Solomon!’

1 Mga Hade 1:39

Kinua sa Tabernakulo kan padi na si Zadok an laogan kan lana nin oliba asin linahidan si Solomon. Pinatanog ninda an trompeta asin kuminurahaw an gabos na tawo, “Mabuhay si Hadeng Solomon!”

1 Mga Hade 2:44

Aram mo an mga karatan na ginibo mo sa sakong ama na si David. Huli kaini papadusahan ka nin Kagurangnan.

2 Mga Hade 11:11

An mga lalaki na may kapot na armas ibinugtak ni Jehoiada sa palibot kan atubangan kan Templo tanganing bantayan an hade.

2 Mga Hade 11:2

Si Joas na aking lalaki ni Ahazias iyo sana an dai nagadan. Gagadanon na sana siya kaiba kan iba, alagad hilom na ilinigtas siya kan tiya niyang si Jehosheba, na aki ni Hadeng Jehoram asin tugang sa ama ni Ahazias. Si Joas saka an paraaling niya itinago ni Jehosheba sa sarong kwartong torogan sa Templo, kaya an aki nakaligtas sa kagadanan sa kamot ni Atalia.

2 Mga Hade 11:4

Alagad pag-abot kan ikapitong taon, ipinaapod kan pading si Jehoiada an mga opisyal na namamahala kan mga bantay kan hade. Pinaduman niya an mga opisyal na ini sa Templo saka nakipagtipan sainda; pinasumpa niya sinda duman sa Templo. Pakatapos, ipinahiling niya sainda an aking lalaki kan hade.

2 Mga Hade 9:13

Kaya hinuba kan mga opisyal an saindang alikboy asin biniklad sa ibabaw kan hagdan tanganing tindogan ni Jehu. Pinatanog ninda an mga trompeta asin nagkurahaw, “Si Jehu iyo an hade!”

2 Mga Hade 9:3

Dangan iula mo an lanang ini sa saiyang payo, saka sabihan mo, ‘Ini an sinasabi nin Kagurangnan: Linahidan taka bilang hade nin Israel.’ Pakatapos hidali kang maghale duman.”

2 Mga Cronica 23:11

Dangan ilinuwas ni Jehoiada si Joas, kinoronahan saka tinawan kan kopya kan katogonan sa paghahade. Ginibo nindang hade si Joas; linahidan siya nin lana kan padi na si Jehoiada saka kan mga aki kaini. Dangan an gabos nagkurahaw, “Mabuhay an hade!”

Esther 2:17

Nagustohan siya kan hade orog ki sa arin man sa mga babae; nawilihan siya asin namotan kan hade orog ki sa arin sainda. Kaya kinoronahan siya kan hade saka ginibong reyna bilang kasalihid ni Vasti.

Esther 6:8

ipakua mo an gubing na saimo mismong isinulot, saka an kabayo na saimong linunadan na may samno sa payo.

Salmo 132:18

An mga kaiwal niya gugubingan ko nin kasopogan, alagad sa saiyang payo, an saiyang korona magkikinang.”

Salmo 21:3

Sinabat mo siya dara an dakul na biyaya; koronang bulawan ibinugtak mo sa saiyang payo.

Salmo 21:4

Naghagad siya nin buhay, ini itinao mo; halawig na buhay asin daing kataposan.

Salmo 47:1

Gabos na banwaan, magparakpak kamo sa kaogmahan! Ikurahaw nindo sa Dios mga awit nin kaogmahan!

Salmo 78:5

Tinawan niya nin mga togon an banwaan nin Israel; nin mga pagboot an kapagarakian ni Jacob. Pinagbotan niya an satong mga ginikanan na itukdo an saiyang mga togon sa saindang kaakian,

Salmo 89:39

Linapas mo an tipan sa saimong sorogoon; an saiyang korona itinapok mo sa laboy.

Salmo 98:8

Pumarakpak an mga katubigan; sabay na mag-arawit sa kaogmahan an kabubuldan sa atubang nin Kagurangnan,

Exodo 25:16

Dangan ilaog mo sa Kaban an duwang tablang gapo na nasusuratan kan mga togon na itatao ko saimo.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Isaias 8:16

Kamo, sakong mga disipulo, dapat na ingatan nindo asin papagdanayon an mga mensahe na itinao sako nin Dios.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Daniel 3:9

Nagsabi sinda ki Hadeng Nebukadnezzar, “Mabuhay logod sagkod lamang an Mahal na Hade!

Daniel 6:21

Nasimbag si Daniel, “Mabuhay logod sagkod pa man an Mahal na Hade!

Mateo 21:9

Nagkurahaw an mga tawong naglalakaw sa enotan saka sa hurihan ni Jesus, “Osana sa Aki ni David! Paladan an minadatong sa ngaran nin Kagurangnan! Osana sa kaitaasan!”

Mateo 27:29

Naggibo sinda nin sarong korona nin sangang matonok asin ikinorona saiya; dangan pinakapotan ninda sa saiyang toong kamot an sarong badas; nagluhod sinda sa atubangan niya saka pinagtuya-tuya siya, “Mabuhay an Hade kan mga Judio!”

Mga Gibo 4:27

Sa syudad na ini, si Herodes, si Poncio Pilato, an mga pagano sagkod an mga taga Israel nagtiripon tumang ki Jesus, an saimong banal na Sorogoon na saimong linahidan.

2 Corinto 1:21

An Dios mismo an nagpapakosog samo saka saindo diyan ki Cristo, asin siya an nagpili samo.

Hebreyo 1:9

Namomoot ka sa katanosan asin naoongis sa karatan; kaya linahidan ka nin Dios, na saimong Dios, kan lana nin kaogmahan orog ki sa ibang mga hade.”

Hebreyo 2:9

Alagad nahihiling ta si Jesus, na sa dikit na panahon ginibong mas hababa ki sa mga anghel, tanganing sa paagi kan biyaya nin Dios, magadan siya para sa gabos na tawo. Ngunyan nahihiling ta siyang nakokoronahan nin kamurawayan asin kaomawan huli kan kagadanan na tinios niya.

Kapahayagan 19:12

An saiyang mga mata garo naglalaad na kalayo; dakul na korona an nasa payo niya. Nasusurat sa saiya an sarong ngaran na siya sana an nakakaaram.

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 10:24

Sinabihan ni Samuel an mga tawo, “Uya an lalaking pinili nin Kagurangnan! Mayo nin siisay man sato na makakaarog saiya.” Dangan nagkurahaw an gabos na tawo, “Mabuhay an hade!”

1 Samuel 16:13

Kinua ni Samuel an lana nin oliba asin linahidan si David sa atubangan kan saiyang mga tugang na lalaki. Nag-abot tolos ki David an espiritu nin Kagurangnan asin nagdanay saiya magpoon kan aldaw na idto. Dangan nagbalik si Samuel sa Rama.