2 Mga Hade 11:1 - Marahay na Bareta Biblia

¹ Kan maaraman ni Atalia, na ina ni Hadeng Ahazias, na gadan na an saiyang aki, nagboot siya na gadanon an gabos na kaayon sa pamilya kan hade.

2 Mga Hade 11:1 ပူးပေါင်းရင်းမြစ်များ

Genesis 9:5

Papadusahan ko an siisay man na maggadan nin tawo. Kagadanan an padusa sa hayop man o tawo na makagadan nin tawo.

Genesis 9:6

An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

1 Mga Hade 1:12

Uya an hatol ko saimo tanganing ikaligtas mo an saimong buhay asin an buhay kan saimong aking si Solomon.

1 Mga Hade 2:44

Aram mo an mga karatan na ginibo mo sa sakong ama na si David. Huli kaini papadusahan ka nin Kagurangnan.

2 Mga Hade 10:36

Pinaghadean ni Jehu an Israel duman sa Samaria sa laog nin beynte y otsong taon.

2 Mga Hade 10:7

Pakabasa ninda kan surat, ginadan ninda an setentang aking lalaki ni Ahab, ibinugtak an mga payo sa mga basket, asin ipinadara ki Jehu sa Jezreel.

2 Mga Hade 12:1

Kan ikapitong taon kan paghahade ni Jehu sa Israel, nagin hade si Joas, asin kwarentang taon siyang naghade sa Jerusalem. An saiyang ina iyo si Zibias na taga Beer-sheba.

2 Mga Hade 25:25

Kan ikapitong bulan, nag-abot sa Mizpa si Ismael na aking lalaki ni Netanias asin makoapo ni Elisama, sarong kaayon sa pamilya kan hade, na may kaibahan na sampolong lalaki. Sinalakay ninda si Gedalias asin ginadan. Ginadan man niya an mga Israelita asin an mga taga Babilonia na kaibahan ni Gedalias sa Mizpa.

2 Mga Hade 8:26

Beynte y dos an edad ni Ahazias kan siya magin hade, asin sarong taon siyang naghade sa Jerusalem. An saiyang ina iyo si Atalia na makoapo ni Omri na nagin hade nin Israel.

2 Mga Hade 9:27

Kan mahiling ini ni Hadeng Ahazias, duminulag siya pasiring sa Bet-hagan, alagad linamag siya ni Jehu. “Panaa man nindo siya!” an pagboot ni Jehu sa saiyang mga tawohan; asin pinana ninda siya sa laog kan saiyang karwahe duman sa tukadon nin Gur, harani sa banwa nin Ibleam. Alagad nakadulag si Ahazias pasiring sa Megiddo asin duman siya nagadan.

2 Mga Cronica 24:7

An Templo linaog kan mga parasunod ni Atalia, an tampalasan na babae, asin dakul sa mga kagamitan sa Templo an ginamit ninda sa pagsamba ki Baal.)

Jeremias 41:1

Kan ikapitong bulan, nag-abot sa Mizpa si Ismael na aking lalaki ni Netanias asin makoapo ni Elisama, sarong kaayon kan pamilya kan hade saka saro sa mga pangenot na opisyal kan hade, may kaibahan na sampolong lalaki tanganing makipaghilingan ki Gobernador Gedalias. Mantang nagkakakan sinda,

Mateo 2:13

Pakahale kan mga mago, an anghel nin Kagurangnan nagpahiling ki Jose sa pangatorogan asin nagsabi, “Magbangon ka; idulag mo sa Egipto an mag-ina. Dai ka maghale duman sagkod na sabihan taka, huli ta hahanapon ni Herodes an aki tanganing gadanon.”

Mateo 2:16

Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Hukom 9:5

Nagduman siya sa harong kan saiyang ama sa Ofra asin sa ibabaw nin saro sanang gapo, ginadan niya an setenta niyang tugang na lalaki, na mga aki man ni Gideon. Alagad tuminago an pinakangohod na aking lalaki ni Gideon na si Jotam asin dai siya nagadan.