2 Mga Hade 10:6 - Marahay na Bareta Biblia

⁶ Sinuratan giraray sinda ni Jehu. Ini an laog kan surat: “Kun kampi kamo sako asin andam na sumunod sa sakong pagboot, darahon nindo digdi sa Jezreel sa aga, sa siring kaining oras, an mga payo kan mga aking lalaki ni Hadeng Ahab.” An setentang aking lalaki ni Ahab nasa pangataman kan mga ginagalangan na tawo kan Samaria.

2 Mga Hade 10:6 ပူးပေါင်းရင်းမြစ်များ

2 Mga Hade 10:5

Kaya an namamahala kan palasyo asin kan syudad, kaiba an kamagurangan saka an mga paraataman kan mga aking lalaki kan hade nagpadara kan mensaheng ini ki Jehu: “Mga sorogoon mo kami. Anoman an sabihon mo gigibohon mi; alagad dai kami mabugtak nin hade. Giboha an pagmarahayon mo.”

2 Mga Hade 10:7

Pakabasa ninda kan surat, ginadan ninda an setentang aking lalaki ni Ahab, ibinugtak an mga payo sa mga basket, asin ipinadara ki Jehu sa Jezreel.

2 Mga Hade 10:9

Pagkaaga, nagduman siya sa trangkahan asin sinabihan an mga tawo, “Ako an nagplano laban ki Hadeng Joram asin ginadan ko siya; dai kamo maninimbag kaiyan. Alagad siisay an guminadan kan mga ini?

2 Mga Hade 9:32

Nagtingkalag si Jehu asin nagkurahaw, “Siisay saindo an kakampi ko?” Nagdungaw an duwa o tolong opisyal sa palasyo,

An Libro ni Job 21:19

“Sinasabi nindong pinapadusahan nin Dios an aki huli kan kasalan kan saiyang ama. Dai! Dapat padusahan nin Dios an mga nagkasala mismo; dapat na ipahiling niya na ginigibo niya iyan huli kan saindang mga kasalan.

Mga Bilang 25:4

Nagtaram siya ki Moises, “Tiponon mo an gabos na lider nin Israel dangan bilang pagkuyog sako, bitayon mo sinda sa atubang kan mga tawo, asin dai na ako maaanggot sa mga tawo.”

Mateo 12:30

“An bakong kampi sako, tumang sako; an dai nagtatabang sako sa pagtipon, nagwawarak.

Lukas 9:50

Sinabihan ni Jesus si Juan asin an ibang mga disipulo, “Dai nindo siya pagsawayon, huli ta an bakong tumang saindo, kampi saindo.”

Deuteronomio 5:9

Dai kamo magduko sa mga dios-dios o magsamba sa sainda, huli ta ako, an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.