2 Mga Hade 10:31 - Marahay na Bareta Biblia

³¹ Alagad bakong bilog sa puso an pagkuyog ni Jehu sa Kagurangnan, an Dios nin Israel; inarog niya an mga gibong maraot ni Jeroboam na nagpakasala sa Israel.

2 Mga Hade 10:31 ပူးပေါင်းရင်းမြစ်များ

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

1 Mga Hade 2:4

Kun kukuyogon mo siya, ootobon nin Kagurangnan an panugang ginibo niya sako: ‘Kun magigin maimbod sako an saimong kapagarakian dangan kun ootobon ninda an sakong mga pagboot sa bilog nindang puso asin kalag, dai ka mahahalean nin kasalihid sa trono nin Israel.’

2 Mga Hade 10:29

Alagad inarog niya an kasalan ni Hadeng Jeroboam, na nagpakasala sa Israel sa paagi nin pagsamba sa bulawan na mga toro na ibinugtak niya sa Betel saka sa Dan.

2 Mga Hade 17:22

Nagkuyog ki Jeroboam an mga Israelita asin nagpadagos sinda sa paggibo kan gabos na kasalan na ginibo ni Jeroboam,

2 Mga Hade 3:3

Alagad, siring ki Hadeng Jeroboam na aking lalaki ni Nebat, pinapagkasala niya an Israel asin habo niyang mag-ontok sa pagkakasala.

2 Mga Cronica 6:16

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Salmo 119:9

Ano an gigibohon nin sarong hoben na lalaki tanganing danay na malinig an saiyang dalan? Sa paagi nin pagkuyog kan saimong mga katogonan.

Salmo 39:1

Ako nagsabi, “Mamaanan ko an sakong mga gawe, tanganing dai magkasala an sakuyang dila. Pupugolon ko an sakuyang ngoso, mantang an mga maraot nasa atubang ko.”

Salmo 78:10

Dai ninda inotob an saindang tipan sa Dios; dai sinda naglakaw sa dalan nin saiyang mga togon.

Mga Talinhaga 4:23

Ingatan mo an saimong kaisipan, huli ta minabulos hale diyan an mga burabod nin buhay.

Ezekiel 36:27

Ibubugtak ko saindo an sakong espiritu asin gigibohon ko nanggad na magkuyog kamo sa sakong mga togon saka mag-otob kan mga pagboot na itinao ko saindo.

Daniel 9:10

Dai kami nagdangog saimo, Kagurangnan na samong Dios, kan taraman mo kaming mamuhay sosog sa itinao mong togon samo huli sa saimong mga sorogoon na mga propeta.

Deuteronomio 4:15

“Kan magtaram saindo an Kagurangnan hale sa kalayo duman sa Bukid nin Sinai, mayo kamong nahiling na ano man na porma. Kaya magmaan kamo

Deuteronomio 4:23

Dai nanggad nindo paglingawan an tipan saindo nin Kagurangnan na saindong Dios. Otobon nindo an saiyang pagboot asin dai kamo maggibo nin ano man na ladawan na ipinapangalad niya,

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

Hebreyo 2:1

Kaya dapat na orog na pahalagahan nyato an mga katotoohan na nadangog ta tanganing dai kita mapaharayo diyan.