2 Mga Hade 10:21 - Marahay na Bareta Biblia

²¹ asin ipinaabot ini ni Jehu sa bilog na daga nin Israel. Nagduman an gabos na nagsasamba ki Baal. Naglaog sinda sa templo ni Baal asin napano nin tawo an templo.

2 Mga Hade 10:21 ပူးပေါင်းရင်းမြစ်များ

1 Mga Hade 16:32

Nagtugdok siya nin templo sa Samaria, naggibo nin altar para ki Baal, dangan ibinugtak idto sa laog kan templo.

2 Mga Hade 10:22

Dangan pinagbotan ni Jehu an padi na namamahala kan banal na mga gubing na iluwas idto asin itao sa mga nagsasamba ki Baal.

2 Mga Hade 11:18

Pakatapos, nagduman an mga tawo sa templo ni Baal asin rinumpag idto. Rinonot ninda an saiyang mga altar saka mga imahen, asin ginadan sa atubang kan mga altar si Mattan, an padi ni Baal. Nagbugtak si Jehoiada nin mga bantay sa Templo.

Joel 3:2

Titiponon ko an gabos na nasyon asin dadarahon ko sinda sa Kapantayan nin Paghukom. Huhukoman ko sinda duman huli kan gabos na ginibo ninda sa sakong banwaan. Iwinarak ninda an mga Israelita sa dayuhan na mga nasyon asin binanga ninda an Israel, an sakong daga.

Kapahayagan 16:16

An mga hade tinipon kan mga espiritu duman sa lugar na inaapod Armagedon sa tataramon na Hebreyo.

Hukom 16:27

Pano nin mga lalaki saka babae an edipisyo; yaon man duman an limang hade kan mga Filisteo, asin maabot sa tolong ribong lalaki saka babae an yaon duman sa atop, naghihiling kan ginigibo ni Samson.