2 Mga Hade 10:19 - Marahay na Bareta Biblia

¹⁹ Apodon nindo an gabos na propeta ni Baal, an mga nagsasamba saiya asin an mga padi. Kaipuhan yaon an gabos huli ta magibo ako nin dakulang pagdolot ki Baal. An siisay man na mayo sa okasyon na iyan gagadanon.” (Alagad paglansi sana ini ni Jehu huli ta an katuyohan niya iyo na gadanon an gabos na nagsasamba ki Baal.)

2 Mga Hade 10:19 ပူးပေါင်းရင်းမြစ်များ

1 Mga Hade 18:19

Ngunyan pagbotan mo an bilog na Israel na tagboon ako sa Bukid nin Carmelo. Padumanon mo man an kwatro syentos singkwentang propeta ni Baal, saka an kwatro syentos na propeta kan diosang si Asera na pinapakakan ni Jezebel.”

1 Mga Hade 22:6

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

2 Mga Hade 10:18

Tinipon ni Jehu an mga tawo asin nagsabi, “Si Hadeng Ahab naglingkod nin kadikit ki Baal, alagad orog ko siyang paglilingkodan.

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

An Libro ni Job 13:7

Tadaw ta nagpuputik kamo? Sa paghona nindo magkikinabang an Dios sa saindong kaputikan?

Mga Talinhaga 29:5

An tawong sagin-sagin na nag-oomaw sa saiyang mga katood, nagbubugtak nin litag para sa saiya man sana.

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

2 Corinto 4:2

Isinikwal mi an gabos na hilom saka makasosopog na gibo; dai kami nandadaya. Dai mi man riniribayan an tataramon nin Dios kundi sinasabi ming hayag an katotoohan. Bahala na an konsyensya nin mga tawo na maghukom samo sa atubang nin Dios.

1 Tesalonica 2:3

An samong pagsadol saindo bakong gikan sa sala o maraot na katuyohan, o sa isip na dayaon an siisay man.