2 Mga Hade 10:16 - Marahay na Bareta Biblia

¹⁶ Nagsabi si Jehu, “Umiba ka sako tanganing mahiling mo an sakong kaimbodan sa Kagurangnan.” Sabay sinda sa sarong karwahe na nagduman sa Samaria.

2 Mga Hade 10:16 ပူးပေါင်းရင်းမြစ်များ

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 19:14

Nagsimbag siya, “Dakula an pagmakulog ko para saimo, Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 19:17

An makadulag sa espada ni Hazael gagadanon ni Jehu; an makadulag sa espada ni Jehu gagadanon ni Eliseo.

2 Mga Hade 10:17

Pag-abot sa Samaria, ginadan ni Jehu an gabos na natatada pang kadugo ni Ahab; mayo siya nin itinadang buhay, siring sa itinaram nin Kagurangnan ki Elias.

2 Mga Hade 10:31

Alagad bakong bilog sa puso an pagkuyog ni Jehu sa Kagurangnan, an Dios nin Israel; inarog niya an mga gibong maraot ni Jeroboam na nagpakasala sa Israel.

Mga Talinhaga 27:2

Pabayaan mong iba an mag-omaw saimo; dai mo nanggad paggibohon iyan sa saimong sadiri.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Mga Bilang 23:4

asin tinupar siya nin Dios. Sinabihan ni Balaam an Dios, “Nagpaandam ako nin pitong altar asin nagdolot ako nin sarong torong baka saka sarong lalaking karnero sa lambang altar.”

Mateo 6:2

“Kaya kun naglilimos kamo, dai nindo iyan ipagpabantog, arog kan ginigibo kan mga parasagin-sagin sa mga sinagoga asin sa mga tinampo. Ginigibo ninda iyan tanganing omawon sinda kan mga tawo. Sa katotoohan sinasabihan ko kamo, inako na ninda an balos.

Mateo 6:5

“Kun namimibi kamo, dai nindo pag-arogon an mga parasagin-sagin! Boot nindang mamibi na nakatindog sa mga sinagoga asin sa mga kanto kan mga tinampo tanganing mahiling kan mga tawo. Sa katotoohan sinasabihan ko kamo, inako na ninda an balos.

Roma 10:2

Makakapatotoo ako na talagang mga malodok sinda sa Dios, alagad an saindang pagkamalodok dai napapatugmad sa tunay na pakasabot.