2 Mga Hade 10:15 - Marahay na Bareta Biblia

¹⁵ Kan maghale si Jehu sa lugar na idto, nasabat niya si Jonadab na aking lalaki ni Recab na nagluwas sa pagsabat saiya. Kinomusta ni Jehu si Jonadab asin sinabihan, “Pareho an dalagan kan isip nyato. Tatabangan mo daw ako?” “Tatabangan taka,” an simbag ni Jonadab. “Kun siring, iabot mo sako an saimong kamot,” an sabi ni Jehu. Kaya inabot ni Jonadab an saiyang kamot, asin tinabangan siya ni Jehu sa paglunad sa karwahe.

2 Mga Hade 10:15 ပူးပေါင်းရင်းမြစ်များ

Genesis 31:55

Pagkaagang amay, hinadokan ni Laban an saiyang mga makoapo asin mga aki dangan benendisyonan niya sinda; pakatapos, nagpuli na siya sa saiyang harong.

Genesis 47:10

Benendisyonan giraray ni Jacob an hade bago siya naghale.

Genesis 47:7

Dangan dinara ni Jose an saiyang ama asin ipinamidbid sa hade. Benendisyonan ni Jacob an hade.

1 Mga Hade 20:33

Naghahalat nin marahay na tanda an mga opisyal ni Ben-hadad, kaya kan magsabi si Ahab nin “tugang,” hidali sindang nagsugpon, “Tama ka, tugang mo si Ben-hadad!” “Darahon nindo siya sako,” an pagboot ni Ahab. Kan mag-abot si Ben-hadad, inalok siya ni Ahab na maglunad sa saiyang karwahe.

2 Mga Hade 10:13

nasabat niya an nagkapirang kadugo ni Hadeng Ahazias nin Juda. Hinapot niya sinda, “Siisay kamo?” Nagsimbag sinda, “Mga kadugo kami ni Ahazias. Pasiring kami sa Jezreel tanganing dalawon an mga prinsipe saka an mga aking lalaki kan inang reyna.”

2 Mga Hade 10:14

Pinagbotan ni Jehu an saiyang mga tawohan, “Dakopa nindo sindang buhay!” Dinakop ninda an mga kadugo ni Ahazias asin ginadan niya sinda harani sa sarong kalot duman. Kwarenta y dos katawo sinda gabos asin mayo sainda nin natadang buhay.

2 Mga Hade 9:21

“Andamon mo an sakong karwahe,” an pagboot ni Hadeng Joram. Inandam ninda an saiyang karwahe. Dangan nagluwas sa pagsabat ki Jehu si Hadeng Joram saka si Hadeng Ahazias, na an lambang saro nakalunad sa saiyang karwahe. Nasabatan ninda si Jehu sa oma na sadiri kaidto ni Nabot.

1 Mga Cronica 2:55

Iyo man ini an mga kamaganakan kan mga eskriba na nag-eerok sa Jabez: an mga Tirateo, mga Simateo, asin mga Sucateo. Iyo ini an mga Cineo na guminikan ki Hamat na ama kan mga Recabita.)

Esdras 10:19

Nanuga sinda na susuhayan an saindang mga agom asin nagdolot sinda nin sarong lalaking karnero bilang sakripisyo para sa saindang mga kasalan.

Nehemias 3:14

An naghirahay kan Trangkahan nin mga Ati iyo si Malkias na aking lalaki ni Recab, na kagsakop kan Distrito nin Bet-hakerem. Hinirahay niya ini asin ibinugtak an mga trangkahan, an mga barat, saka an mga bisagra.

Salmo 94:16

Siisay an nagtindog para sako tumang sa mga tampalasan? Siisay an nag-apil sako tumang sa mga paragibo nin karatan?

Jeremias 35:2

“Magduman ka sa mga kaayon kan kamaganakan ni Recab, asin kaolayon mo sinda. Dangan darahon mo sinda sa saro sa mga kwarto sa Templo saka dolotan mo sinda nin arak.”

Ezekiel 17:18

Linapas niya an saiyang panuga asin an tipan na ginibo niya. Ginibo niya an mga ini, asin ngunyan dai siya makakadulag.”

Mga Gibo 8:31

Nagsimbag an eunuko, “Paano ko ini masabotan kun mayo man nin magpaliwanag sako?” Kaya inalok niya si Felipe na lumunad sa karwahe asin tumukaw sa kataed niya.

Galacia 2:9

Nasabotan ni Santiago, ni Pedro saka ni Juan, midbid na mga lider, na tinawan ako nin Dios kan espesyal na trabahong ini. Kaya inabrasa ninda kami ni Bernabe sa pag-ako samo bilang kapwa trabahador. Nagkaoroyon kami gabos na matrabaho kami ni Bernabe sa mga pagano dangan sinda sa mga Judio.

Galacia 4:12

Mga tugang, nakikimaherak ako saindo, arogon nindo ako huli ta ako nagin arog man saindo. Mayo kamong sala na naginibo sako.