2 Mga Hade 10:10 - Marahay na Bareta Biblia

¹⁰ Saboton nindo na maootob an lambang tataramon nin Kagurangnan manongod sa kapagarakian ni Ahab, asin pinatotoohan nin Kagurangnan an itinaram niya sa paagi kan propeta niyang si Elias.”

2 Mga Hade 10:10 ပူးပေါင်းရင်းမြစ်များ

1 Mga Hade 21:19

Sabihan mo siya na ako, an Kagurangnan, nagtataram saiya, ‘Pakatapos mong gadanon an tawo, sasadirihon mo pa an saiyang rogaring?’ Dangan sabihan mo siya na ini an sakong itinataram: ‘Sa lugar saen dinila kan mga ayam an dugo ni Nabot, duman man didilaon kan mga ayam an saimong dugo!’”

1 Mga Hade 21:29

“Nahiling mo kun paano nagpakumbaba sa atubang ko si Ahab? Huli ta nagpakumbaba siya sa atubang ko, dai ko siya papadarahan nin karatan mantang nabubuhay siya; ipapadara ko an karatan sa panahon kan saiyang aking lalaki.

2 Mga Hade 10:17

Pag-abot sa Samaria, ginadan ni Jehu an gabos na natatada pang kadugo ni Ahab; mayo siya nin itinadang buhay, siring sa itinaram nin Kagurangnan ki Elias.

2 Mga Hade 15:12

Kaya naotob an panuga nin Kagurangnan ki Jehu: “An saimong mga kapagarakian sagkod sa ikaapat na henerasyon magigin mga hade nin Israel.”

2 Mga Hade 9:36

Kan ibareta ninda ini ki Jehu, nagsabi siya, “Iyo ini an tataramon nin Kagurangnan na itinaram niya sa paagi ni Elias na saiyang sorogoon: ‘Kakakanon kan mga ayam sa teritoryo nin Jezreel an hawak ni Jezebel.

Esther 6:10

Dangan sinabihan kan hade si Haman, “Magmadali ka, kuahon mo an gubing saka an kabayo asin giboha an mga pag-omaw na sinabi mo para sa Judiong si Mardokeo, na nagtutukaw sa may trangkahan kan palasyo. Hare paglingawe an ano man kan sinabi mo.”

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Markos 13:31

Mapapara an langit asin an daga, alagad dai mapapara an sakong mga tataramon.

1 Samuel 15:29

Dai nagpuputik o nagbabago nin isip an mamurawayon na Dios nin Israel. Bako siya tawo—dai siya nagbabago nin isip.”

1 Samuel 3:19

Nagdakula si Samuel na danay na iniibahan nin Kagurangnan; inotob niya an lambang sinabi ni Samuel.