2 Mga Hade 1:15 - Marahay na Bareta Biblia

¹⁵ Nagsabi an anghel nin Kagurangnan ki Elias, “Mag-iba ka sa saiya, asin dai ka matakot.” Kaya nag-iba si Elias sa opisyal pasiring sa hade,

2 Mga Hade 1:15 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

1 Mga Hade 18:15

Nagsimbag si Elias, “Sa ngaran kan buhay na Kagurangnan nin mga hukbo, na sakong pinaglilingkodan, nanunuga ako na mapahiling ako saiya ngunyan na aldaw.”

2 Mga Hade 1:14

An duwang opisyal na naenot sako asin an saindang mga soldados ginadan kan kalayong hale sa langit; alagad kaherakan mo ako!”

2 Mga Hade 1:3

Alagad pinagbotan kan anghel nin Kagurangnan an propetang si Elias na taga Tisbe, na sabaton an mga sugo kan hade nin Samaria dangan hapoton, “Tadaw ta mahapot kamo ki Baal-zebub, an dios nin Ekron? Sa paghona nindo, mayo nin dios sa Israel?

Salmo 27:1

An Kagurangnan iyo an sakong ilaw asin kaligtasan; siisay an sakong matatakotan? An Kagurangnan iyo an pailihan nin sakong buhay; sa kiisay ako matatakot?

Isaias 51:12

Nagsasabi an Kagurangnan, “Ako, ako an nagraranga saindo. Tadaw ta matatakot kamo sa kapwa nindo tawo, na magagadan man siring sa mga doot?

Jeremias 1:17

Mag-andam ka, Jeremias; lakaw asin sabihan mo sinda kan gabos na ipinagboboot kong sabihon mo sainda. Dai ka ngunyan matakot sa sainda, huli ta kun matakot ka, gigibohon kong orog kang matakot kun nasa kaibahan ka na ninda.

Jeremias 15:20

Para sa mga tawong ini, gigibohon takang pusog na kudal na bronse. Makikiiwal sinda saimo, alagad dai ka ninda madadaog, huli ta iibahan taka tanganing ingatan asin iligtas.

Ezekiel 2:6

“Alagad ika, aki nin tawo, dai ka matakot sainda ni sa saindang mga tataramon. Lalabanan ka ninda asin kaoongisan; an pakiiba mo sainda garo pagtukaw sa tahaw nin mga uyang. Alagad dai ka matakot sa saindang tataramon o sa saindang mga hilingon, huli ta mga rebelde sinda.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Hebreyo 11:27

Huli sa pagtubod, naghale si Moises sa Egipto na dai natakot sa kaanggotan kan hade; nagpadagos siya sa saiyang paglakaw na garo nakakahiling sa Dios na dai nahihiling.