2 Mga Hade 1:13 - Marahay na Bareta Biblia

¹³ Nagsugo giraray an hade nin sarong opisyal na may kaibahan na singkwentang soldados. Nagtukad sa bulod an opisyal, nagluhod sa atubang ni Elias, dangan nakimaherak, “Sorogoon nin Dios, nakikimaherak ako saimo, pahalagahan mo logod an sakong buhay asin an buhay kan sakong mga soldados.

2 Mga Hade 1:13 ပူးပေါင်းရင်းမြစ်များ

1 Mga Hade 13:6

Nagsabi si Hadeng Jeroboam sa propeta, “Ipakimaherak mo ako sa Kagurangnan na saimong Dios, asin ipamibi na maomayan an sakong takyag!” Nakimaherak sa Kagurangnan an propeta asin naomayan an takyag kan hade.

2 Mga Hade 1:12

Alagad nagsimbag si Elias, “Kun ako sarong sorogoon nin Dios, maghugpa logod an kalayo hale sa langit asin gadanon ka sagkod an saimong mga soldados!” Dangan naghugpa an kalayo nin Dios asin ginadan an opisyal sagkod an saiyang mga soldados.

2 Mga Hade 1:14

An duwang opisyal na naenot sako asin an saindang mga soldados ginadan kan kalayong hale sa langit; alagad kaherakan mo ako!”

Salmo 102:17

Dadangogon niya an pamibi kan mga dukha; dai niya ikakaanggot an saindang pakimaherak.

Salmo 72:14

An saindang buhay tinutubos niya sa kaapihan asin sa kadahasan; an saindang dugo mahalaga para saiya.

Exodo 11:8

Tinapos ni Moises an saiyang pagtaram kan siya magsabi, “Marani dangan maluhod sako an gabos mong opisyal asin makikimaherak na humale na ako kaiba an sakong mga kahimanwa. Dangan mahale ako.” Pakasabi kaini, anggot na marahay na binayaan ni Moises an hade.

Mga Talinhaga 27:22

Maski pa bayohon sa lubang an lolong na garo trigo, dai nanggad mahahale an saiyang kalolongan.

Parahulit 9:3

Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Santiago 4:7

Kaya magpasakop kamo sa Dios. Dai kamo magpadaog sa Diablo ta madulag siya saindo.

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.

1 Samuel 26:21

Nagsimbag si Saul, “Nagkasala ako. Magbalik ka David, aki ko! Dai na ako mag-iisip na gadanon ka, huli ta dai mo ako ginadan ngunyan na banggi. Nagin lolong ako, asin dakula an ginibo kong karatan!”