2 Mga Hade 1:10 - Marahay na Bareta Biblia

¹⁰ Alagad nagsimbag si Elias, “Kun ako sarong sorogoon nin Dios, maghugpa logod an kalayo hale sa langit asin gadanon ka saka an saimong mga soldados!” Dangan naghugpa an kalayo asin ginadan an opisyal sagkod an saiyang mga soldados.

2 Mga Hade 1:10 ပူးပေါင်းရင်းမြစ်များ

1 Mga Hade 22:28

Nagsabi si Micaias, “Kun makabalik kang ligtas sa pag-alaman, an Kagurangnan dai mananggad nagtaram sa paagi ko!” Asin nagsabi pa siya, “Pagdangog kamo gabos!”

2 Mga Hade 1:11

Nagsugo giraray ki Elias an hade nin sarong opisyal na may kaibahan na singkwentang soldados. Nagtukad an opisyal saka nagsabi ki Elias, “Sorogoon nin Dios, ipinagboboot kan hade na maghilig ka tolos!”

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

An Libro ni Job 1:16

Dai pa nakakatapos pagtaram an sorogoon, kan saro pang sorogoon an nag-abot dangan nagsabi, “Tinamaan kan kikilat an mga karnero saka an mga pastor; nagkagaradan sinda gabos. Ako sana an nakadulag tanganing magbareta saimo.”

Salmo 105:15

Nagtaram siya, “Dai nindo pagdutaan an sakong mga linahidan; an sakong mga propeta dai nindo pagkulogan.”

Salmo 106:18

Naghilig an kalayo sa saindang mga kaibahan, asin tinutong idtong mga tawong masombikal.

Daniel 3:22

Huli ta maigot an pagboot na itinao kan hade na initon nin marahay an horno, nagkasurulo an mga lalaking nagtapok kan tolo sa horno.

Daniel 3:25

Naghapot an hade, “Tadaw ta apat na lalaki an nahihiling kong naglalakaw sa kalayo? Dai sinda nakagapos asin mayo sinda nin tanda na nakukulogan—dangan an ikaapat nakakaagid sa sarong anghel.”

Daniel 6:24

Dangan nagboot an hade na dakopon an mga lalaking nagsumbong ki Daniel, asin ihinulog sinda kaiba an saindang mga agom saka kaakian sa kalot na pano nin mga leon. Dai pa ngani sinda nagduduta sa salog kan kalot, pinag-aragawan na sinda kan mga leon asin binarari an saindang mga tolang.

Levitico 10:2

Kaya biglang nagpadara nin kalayo an Kagurangnan asin sinulo sindang duwa sagkod na magadan.

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Mateo 21:41

Nagsimbag sinda, “Gagadanon niya idtong mga maraot na tumatawo. Pakatapos, an ubasan ipapaataman niya sa iba na magtatao saiya kan kahirasan niya sa oras nin tiggunoan.”

Lukas 9:54

Kan maaraman ini kan saiyang mga disipulo na si Santiago asin si Juan, nagsabi sinda, “Kagurangnan, boot mong maghagad kami nin kalayo na maghulog hale sa langit tanganing tunawon sinda arog kan ginibo ni Propeta Elias?”

Mga Gibo 12:19

Pinagbotan sinda ni Herodes na hanapon si Pedro, alagad dai ninda siya nakua. Kaya ipinasiyasat niya an mga bantay dangan ipinagadan. Pakatapos kaini, naghale si Herodes sa Judea asin nag-ontok nin kadikit na panahon sa Cesarea.

Hebreyo 12:29

huli ta an satong Dios garo kalayong nanghahalon.

Kapahayagan 11:5

Kun may magkulog sainda, maluwas an kalayo sa saindang ngoso na matomtom sa saindang mga kaiwal; sa paaging ini, an siisay man na magkulog sainda, magagadan.