2 Mga Cronica 9:6 - Marahay na Bareta Biblia

⁶ alagad dai ako nagtubod sa mga bareta sagkod na nagdigdi ako dangan nahiling ko mismo. An nadangog ko kabanga sana kan saimong kadonongan; nangongorog pa sa ibinareta sako an kadonongan mo.

2 Mga Cronica 9:6 ပူးပေါင်းရင်းမြစ်များ

1 Mga Hade 10:7

Alagad dai ako nagtubod kan mga bareta sagkod na nagdigdi ako asin nahiling kan sadiri kong mga mata. Alagad kabanga sana kan bareta an nadangog ko; an saimong kadonongan asin kayamanan orog nin marahay ki sa ibinareta sako.

1 Mga Hade 4:31

Siya an pinakamadonong sa gabos na tawo: mas madonong ki Etan na Ezrahita, asin ki Heman, ki Calcol saka ki Darda, na mga aking lalaki ni Mahol. Nakalakop an saiyang dangog sa gabos na nasyon sa palibot.

1 Mga Hade 4:34

An saiyang kadonongan nabaretaan kan mga hade sa bilog na kinaban asin nagpadara sinda nin mga tawo tanganing maghinanyog saiya.

2 Mga Cronica 9:5

Nagsabi siya sa hade, “Totoo an baretang nadangog ko sa sakuyang daga manongod sa mga ginibo mo saka manongod sa saimong kadonongan,

2 Mga Cronica 9:7

Paladan an saimong mga tawohan na danay na naglilingkod sa atubangan mo asin naghihinanyog kan saimong kadonongan!

Salmo 31:19

Dakula an pagkamarahayon mo sa mga may pagkatakot saimo, sa mga minasarig saimo. Ini ipinahiling mo sa atubang nin mga tawo.

Zacarias 9:17

Orog na magigin marahay saka magayon an daga! Huli sa trigo saka arak, orog na magigin makosog an mga hoben na lalaki asin babae.

1 Corinto 2:9

Alagad siring sa nasusurat, “An dai pa lamang nahiling o nadangog nin tawo, an dai pa lamang naisip kan tawo na pwedeng mangyari, iyo an inandam nin Dios para sa mga namomoot saiya.”

1 Juan 3:2

Namomotan kong mga tugang, ngunyan mga aki na kita nin Dios, alagad bako pang malinaw kun magigin ano kita. Alagad aram ta na kun dumatong na si Cristo, magigin kitang arog saiya, huli ta mahihiling ta siya kun siisay talaga siya.