2 Mga Cronica 9:29 - Marahay na Bareta Biblia

²⁹ An iba pang mga ginibo ni Solomon, magpoon sa kapinonan sagkod sa kataposan, nasusurat sa An Kasaysayan ni Natan na Propeta, asin sa An Propesiya ni Ahias kan Shilo, patin sa An mga Bisyon ni Iddo na Propeta, na nag-iistorya man kan paghahade sa Israel ni Jeroboam na aking lalaki ni Nebat.

2 Mga Cronica 9:29 ပူးပေါင်းရင်းမြစ်များ

2 Samuel 12:1

Pinaduman nin Kagurangnan an propetang si Natan ki David. Nagduman ini asin nagsabi, “Igwa nin duwang lalaki na nag-eerok sa parehong banwa; mayaman an saro asin an saro dukha.

2 Samuel 12:25

asin sinugo an propetang si Natan na ngaranan an aki nin Jedidias, huli ta namotan nin Kagurangnan an aki.

1 Mga Hade 1:8

Alagad dai nagkampi saiya an padi na si Zadok, si Benaias na aking lalaki ni Jehoiada, si Natan na propeta, si Simei, si Rei, asin an mga maiisog na soldados ni David.

1 Mga Hade 11:26

An saro pang tawo na nagrebelde ki Solomon iyo an saro niyang opisyal, na si Jeroboam na aking lalaki ni Nebat, na taga Zereda nin Efraim. Saro nang balo an saiyang ina, na an ngaran si Zerua.

1 Mga Hade 11:29

Sarong aldaw, nagluwas si Jeroboam sa Jerusalem asin sinabat siya sa dalan kan propetang si Ahias na taga Shilo. An propeta nakasulot nin bagong alikboy asin sinda sanang duwa an yaon duman sa kahiwasan.

1 Mga Hade 14:2

Sinabihan ni Jeroboam an saiyang agom, “Magsagin-sagin kang bako kong agom tanganing dai nin makamidbid saimo, asin magduman ka sa Shilo. Magduman ka ki Ahias, an propetang nagsabi na magigin hade ako sa Israel.

1 Mga Cronica 29:29

An mga ginibo ni Hadeng David, poon sa kapinonan sagkod sa kataposan, nasusurat sa mga Cronica kan mga propeta na si Samuel, si Natan, asin si Gad.

2 Mga Cronica 10:2

Kan an baretang ini madangog ni Jeroboam, na aking lalaki ni Nebat, na nagduman sa Egipto sa pagdulag ki Hadeng Solomon, nagbalik siya sa Israel.

2 Mga Cronica 12:15

An mga gibo ni Rehoboam, magpoon sa kapinonan, nasusurat sa An Kasaysayan ni Semaias na Propeta asin sa An Kasaysayan ni Iddo na Propeta. Danay na naglalaban si Rehoboam saka si Jeroboam.

2 Mga Cronica 13:22

An iba pang ginibo ni Abias, an saiyang mga palakaw saka mga sinabi gabos nasusurat sa An Kasaysayan ni Iddo na Propeta.