2 Mga Cronica 9:24 - Marahay na Bareta Biblia

²⁴ An lambang saro sainda nagdara nin regalo—mga bagay na gibo sa plata saka bulawan, mga gubing, mira, pahamot, mga kabayo asin mga mula. Ginibo ninda ini taon-taon.

2 Mga Cronica 9:24 ပူးပေါင်းရင်းမြစ်များ

1 Mga Hade 10:10

Itinao niya ki Hadeng Solomon an mga regalong dara niya: sobra sa kwatro mil na kilo nin bulawan asin dakul na pahamot saka mga mahalagang bato. An halaga kan mga pahamot na itinao niya ki Solomon iyo an pinakadakul sa mga inako na ni Solomon. (

1 Mga Hade 10:25

An lambang saro sainda nagdara kan saiyang regalo, mga kagamitan na bulawan saka plata, mga gubing, mga armas, mga pahamot, mga kabayo, sagkod mga mula; danay ining nangyayari taon-taon.

1 Mga Hade 9:14

Sobra sa apat na ribong kilo nin bulawan an ipinadara ni Hiram ki Solomon.

2 Mga Cronica 17:11

Nagkapirang mga Filisteo an nagdara ki Jehosafat nin dakulang halaga nin plata saka iba pang mga regalo. Dinarahan man siya kan mga Arab nin syete mil syete syentos na karnero saka syete mil syete syentos na kanding.

2 Mga Cronica 9:23

An mga hadeng ini nagdolok saiya tanganing madangog an kadonongan na itinao saiya nin Dios.

2 Mga Cronica 9:9

Dangan tinawan si Hadeng Solomon kan reyna nin sobra sa kwatro mil na kilo nin bulawan asin kadakul na mga pahamot saka mahalagang mga bato; mayong makakadaog sa mga pahamot na itinao kan reyna nin Sheba ki Solomon. (

An Libro ni Job 42:11

Dinalaw si Job kan gabos niyang tugang na lalaki saka babae asin mga dating katood; ipinahiling ninda an saindang pakidumamay saiya asin rinanga ninda siya sa gabos na kasakitan na dinara nin Kagurangnan saiya. An lambang saro nagtao saiya nin kwarta asin bulawan na singsing.

Salmo 68:30

Tuyawa an Egipto, an maringis na hayop na nag-eerok sa kabariwan; tuyawa an mga nasyon, an mga torong baka asin an saindang mga ogbon, sagkod na sinda magluhod asin magdolot saimo kan saindang mga plata. Iwarak mo an mga tawong namomoot sa pakigera.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Hukom 3:15

Dangan nag-agrangay an mga Israelita sa Kagurangnan kaya nagsugo an Kagurangnan nin sarong lalaki na maligtas sainda. Siya si Ehud, sarong walahon na lalaki na aki ni Gera, na gikan sa tribu ni Benjamin. Sinugo si Ehud kan banwaan nin Israel pasiring ki Hadeng Eglon kan Moab dara an mga regalo para sa hade.

1 Samuel 10:27

Alagad igwa nin mayong halagang mga tawo na nagsarabi, “Paano kita ikakaligtas kan tawong ini?” Pinag-olog-olog ninda si Saul asin dai ninda dinarahan nin ano man na regalo, alagad dai sana naggirong si Saul.