2 Mga Cronica 9:23 - Marahay na Bareta Biblia

²³ An mga hadeng ini nagdolok saiya tanganing madangog an kadonongan na itinao saiya nin Dios.

2 Mga Cronica 9:23 ပူးပေါင်းရင်းမြစ်များ

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Hade 4:34

An saiyang kadonongan nabaretaan kan mga hade sa bilog na kinaban asin nagpadara sinda nin mga tawo tanganing maghinanyog saiya.

2 Mga Cronica 9:22

Si Hadeng Solomon iyo an pinakamayaman asin pinakamadonong sa gabos na hade sa kinaban.

2 Mga Cronica 9:24

An lambang saro sainda nagdara nin regalo—mga bagay na gibo sa plata saka bulawan, mga gubing, mira, pahamot, mga kabayo asin mga mula. Ginibo ninda ini taon-taon.

Mga Talinhaga 2:6

Huli ta an Kagurangnan iyo an nagtatao nin kadonongan; siya an nagtutukdo nin pakaaram asin pakasabot.

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 11:2

An espiritu nin Kagurangnan maontok sa saiya, an espiritu nin kadonongan saka pakasabot, an espiritu nin hatol saka kosog, an espiritu nin pakaaram asin nin pagkatakot sa Kagurangnan.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Daniel 5:11

Igwa nin sarong lalaki sa saimong kahadean na igwa kan espiritu kan banal na mga dios. Kan an saimong ama iyo pa an hade, ipinahiling kan lalaking ini an marahay na kaisipan, pakaaram asin kadonongan arog kan kadonongan kan mga dios. Ginibo siyang pamayo kan mga parahula, salamangkero, madonong saka mga astrologo ni Hadeng Nebukadnezzar, na saimong ama.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

1 Corinto 12:8

Sa saro itinatao nin Dios sa paagi kan Espiritu Santo an kakayahan na magpahayag nin mensaheng pano nin kadonongan; sa saro, an mensaheng pano nin pakaaram sa paagi kan parehong Espiritu.

Efeso 1:17

hinahagad ko sa Dios ni Jesu-Cristo na satong Kagurangnan, an mamurawayon na Ama, na itao saindo an espiritu nin kadonongan, tanganing masabotan nindo nin orog an kapahayagan dapit sa Dios.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.