2 Mga Cronica 9:21 - Marahay na Bareta Biblia

²¹ huli ta an mga barko kan hade minaduman sa Tarsis kaiba kan mga sorogoon ni Hiram, dangan lambang ikatolong taon, minabalik hale sa Tarsis na may darang bulawan, plata, marpil, mga kabalang asin mga ukay.

2 Mga Cronica 9:21 ပူးပေါင်းရင်းမြစ်များ

1 Mga Hade 10:22

An hade igwa nin mga barko na naglalayag sa dagat kaiba an mga barko ni Hiram. Makasaro sa lambang tolong taon minaabot an saiyang mga barko na may mga darang bulawan, plata, marpil, mga kabalang asin mga pabo.

1 Mga Hade 22:48

Nagpagibo si Hadeng Jehosafat nin mga barko sa Tarsis tanganing maglayag pasiring sa daga nin Ofir sa pagkua nin mga bulawan. Alagad dai nakahale an mga barko huli ta nagkararaot an mga ini duman sa Ezion-geber.

2 Mga Cronica 8:18

Pinadarahan siya ni Hiram nin mga sakayan sa pamamahala kan saiyang mga opisyal saka mga lalaking tood sa dagat. Kaiba kan mga opisyal ni Solomon, nagsakay sinda pasiring sa Ofir; pagbalik ninda ki Solomon, may dara sindang haros dyes y seis na toneladang bulawan.

2 Mga Cronica 9:20

An gabos na kalis na pinag-iinoman ni Hadeng Solomon gibo sa bulawan; an mga kagamitan sa Sala kan Kadlagan nin Lebanon gibo sa purong bulawan. Kan panahon ni Solomon, bakong mahalaga an plata,

An Libro ni Job 39:13

“Marikas an pagkampay kan mga pakpak kan ostrits; alagad dai iyan nakakalayog arog kan talaod.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Jeremias 10:9

An saindang mga dios napapatos nin plata na hale sa Espanya asin nin bulawan na hale sa Ufaz, an gabos ginibo kan mga paraukit asin kan mga panday; nagugubingan an mga iyan nin telang kolor lila saka purpura na hinabol nin mga ekspertong parahabol.

Ezekiel 27:12

“Nakipagnegosyo saimo an Espanya, asin an mga produkto mo rinibayan ninda nin plata, lansang, lata, saka timga.

Ezekiel 27:15

Nakipagnegosyo saimo an mga taga Rodes; an mga tawong nag-eerok sa tampi kan dagat nagtao saimo nin mga marpil saka mga itom na kahoy bilang karibay kan saimong mga produkto.

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.