2 Mga Cronica 9:2 - Marahay na Bareta Biblia

² Sinimbag ni Solomon an gabos na kahapotan niya; mayo nin hapot na dai niya nasimbag.

2 Mga Cronica 9:2 ပူးပေါင်းရင်းမြစ်များ

1 Mga Hade 3:12

itatao ko an saimong hinagad. Tatawan taka nin kadonongan asin pakasabot na orog ki sa mga naenot na saimo o sa mga masurunod pa saimo.

1 Mga Hade 4:29

Tinawan nin Dios si Solomon nin kadonongan saka pakasabot na dai masusukol, asin nin mahiwas na pakaaram.

2 Mga Cronica 9:1

Nadangog kan reyna nin Sheba an kabantogan ni Solomon, kaya nagduman siya sa Jerusalem tanganing baloon si Solomon sa paagi nin dipisil na mga hapot. Ipinag-iba niya an dakulang grupo nin mga katabang, saka mga kamelyo na may kargang mga pahamot, dakul na bulawan asin mga mahalagang bato. Kan mag-abot an reyna, sinaro-saro niya ki Solomon an gabos na hapot na nasa isip niya.

2 Mga Cronica 9:3

Nadangog kan reyna nin Sheba an kadonongan ni Solomon asin nahiling niya an palasyo na ipinatugdok kaini.

Mga Talinhaga 13:20

Mag-iba ka sa madonong nganing ika magin madonong; kun makipagkatood ka sa lolong mapapahamak ka.

Mga Talinhaga 18:4

An tataramon nin tawo pwedeng paggikanan nin kadonongan, hararom arog kan dagat, malipot arog kan nagbubulos na sapa.

Markos 4:11

Sinabihan sinda ni Jesus, “Saindo ipinapasabot an mga hilom kan Kahadean nin Dios, alagad an iba tinutukdoan sa paagi nin mga parabola,

Markos 4:34

Dai siya nagtukdo sainda kun bakong sa paagi nin mga parabola, alagad kun an mga disipulo sana an yaon, ipinaliwanag niya sainda an gabos.

Juan 15:15

Dai ko na kamo aapodon na mga sorogoon, huli ta an sorogoon dai nakakaaram kan ginigibo kan saiyang kagurangnan. Aapodon ko kamong mga katood, huli ta sinabi ko saindo an gabos kong nadangog sa sakong Ama.

Colosas 2:3

Sa saiya nakatago an gabos na kayamanan nin kadonongan saka pakasabot nin Dios.

Hebreyo 4:12

An tataramon nin Dios buhay saka mapangyari, mas matarom ki kan arin man na espada na doble an tarom. Minalagbas iyan sa sugponan kan kalag saka espiritu, sa sugponan kan ngalongaloan saka hutok nin tolang. Naaaraman kaiyan an kaisipan asin kamawotan nin tawo.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.