2 Mga Cronica 9:18 - Marahay na Bareta Biblia

¹⁸ An trono igwa nin anom na tangga saka sarong bulawan na tungtongan na kasugpon kan trono. Igwa nin mag-ibong na pasunadan nin braso an trono, asin may nakatindog na pigura nin leon sa kataed kan lambang pasunadan.

2 Mga Cronica 9:18 ပူးပေါင်းရင်းမြစ်များ

2 Mga Cronica 9:17

An hade naggibo man nin sarong dakulang marpil na trono na kinalopkopan nin purong bulawan.

2 Mga Cronica 9:19

Doseng pigura nin leon an nasa mga tangga; duwang leon sa mag-ibong na poro kan lambang tangga. Mayo pang ginibong trono na arog kaini sa arin man na kahadean.

Mga Bilang 23:24

Siring sa makosog na leon an nasyon nin Israel; Dai nag-oontok sagkod na makakan an biktima, Asin mainom an dugo kan saiyang ginadan.

Mga Bilang 24:9

An nasyon nin Israel arog sa makosog na leon; Mayo nin mangangahas na magpukaw kun natotorog siya. Bebendisyonan an magbebendisyon saimo, Asin mamaldisyonon an magmamaldisyon saimo.”

Kapahayagan 5:5

Dangan saro kan mga kamagurangan an nagsabi sako, “Dai ka maghibi. Hilinga, nanggana an Leon kan tribu nin Juda, an Gamot ni David, kaya siya an makakatangkas kan pitong selyo asin makakabukas kan libro.”