2 Mga Cronica 9:16 - Marahay na Bareta Biblia

¹⁶ Naggibo man siya nin tres syentos na saradit na kalasag na pinolpog na bulawan, na an lambang saro maabot sa tolong kilo nin pinolpog na bulawan. Ipinabugtak niya ini gabos duman sa Sala kan Kadlagan nin Lebanon.

2 Mga Cronica 9:16 ပူးပေါင်းရင်းမြစ်များ

1 Mga Hade 14:26

Kinua niya an gabos na kayamanan sa Templo asin sa palasyo, sagkod an mga kalasag na bulawan na ginibo ni Solomon.

1 Mga Hade 7:2

An Sala kan Kadlagan nin Lebanon igwa nin sukol na kwarenta y kwatro metros an laba, beynte y dos metros an lakbang, asin trese metros may singkwenta sentimetros an langkaw. An salang ini igwa nin tolong raya nin mga hariging sedro asin sa lambang raya igwa nin kinseng harigi, na natutumbawan kan mga kahabaan na kahoy na sedro. Sedro man an kisame na nakakaabot sa mga sarayan na kwarto, na pinapakosog kan mga harigi.

2 Mga Cronica 12:9

Nag-abot si Hadeng Sisak sa Jerusalem asin kinua niya an mga kayamanan sa Templo saka sa palasyo. Kinua niya an gabos sagkod an mga kalasag na bulawan na ipinagibo ni Solomon.

2 Mga Cronica 9:15

Naggibo si Solomon nin dos syentos na darakulang kalasag na pinolpog na bulawan, na an lambang saro maabot sa pitong kilong pinolpog na bulawan.

2 Mga Cronica 9:17

An hade naggibo man nin sarong dakulang marpil na trono na kinalopkopan nin purong bulawan.