2 Mga Cronica 8:14 - Marahay na Bareta Biblia

¹⁴ Bilang pagkuyog sa mga pagboot ni David na saiyang ama, itinalaan niya an aroaldaw na trabaho kan mga padi asin kan mga Levita na matarabang mantang nag-aawit an mga padi asin nag-ootob kan saindang katongdan. Itinalaan man niya an aroaldaw na grupo nin mga bantay kan Templo para sa mga trangkahan kaini, siring kan ipinagboot ni David na sorogoon nin Dios.

2 Mga Cronica 8:14 ပူးပေါင်းရင်းမြစ်များ

2 Samuel 23:2

An espiritu nin Kagurangnan nagtataram sa paagi ko; an saiyang mensahe yaon sa sakong ngoso.

1 Mga Hade 13:1

Sa pagboot nin Kagurangnan, sarong propetang gikan sa Juda an nagpasiring sa Betel. Nag-abot siya duman mantang nakatindog si Jeroboam sa atubang kan altar tanganing magtutong nin insenso.

1 Mga Cronica 16:37

Itinao ni David ki Asaf asin sa mga kapwa niya Levita an pamamahala kan pagsamba duman sa lugar na namumugtakan kan Kaban nin Tipan, tanganing gibohon ninda sa aroaldaw an saindang katongdan.

1 Mga Cronica 16:42

Si Heman saka si Jedutun iyo an mamahala kan mga trompeta, mga gimbal asin iba pang mga instrumento na gagamiton para sa mga banal na awit. An mga aking lalaki ni Jedutun iyo an mamamahala kan mga trangkahan.

1 Mga Cronica 23:1

Kan gurang nang marahay si David, ginibo niyang hade nin Israel si Solomon na saiyang aking lalaki.

1 Mga Cronica 24:1

Iyo ini an mga grupo kan kapagarakian ni Aaron. An mga aking lalaki ni Aaron iyo si Nadab, Abihu, Eleazar, saka si Itamar.

1 Mga Cronica 24:3

Sa tabang ni Zadok na saro sa kapagarakian ni Eleazar, saka ni Ahimelec na saro sa kapagarakian ni Itamar, pinaggrupo-grupo ni David an kapagarakian ni Aaron sosog sa saindang mga katongdan nin paglingkod.

1 Mga Cronica 25:1

Pinili ni David asin kan mga lider kan mga Levita an mga Levitang kamaganakan ni Asaf, ni Heman, saka ni Jedutun, tanganing mangenot sa mga gawe nin pagsamba. Sinda an mapahayag kan mga mensahe nin Dios, na sinasabayan kan musika nin mga arpa asin mga gimbal. Iyo ini an lista kan mga tawong pinili na mangenot sa pagsamba, asin an trabaho na gigibohon kan saindang grupo:

1 Mga Cronica 26:1

Iyo ini an mga grupo kan mga Levita na an katongdan iyo an pagbantay sa mga trangkahan kan Templo. Gikan sa kamaganakan ni Kore, napili si Meselemias, na aking lalaki ni Kore kan pamilya ni Asaf.

1 Mga Cronica 28:19

Nagsabi si David, “Ini gabos nasusurat sa planong ginibo sosog sa mga katukdoan na ipinapakuyog sako nin Kagurangnan.”

1 Mga Cronica 9:17

An mga bantay kan Templo na nag-erok sa Jerusalem iyo si Sallum, Akkub, Talmon, asin Ahiman. Si Sallum iyo an saindang pamayo.

1 Mga Cronica 9:24

Igwa nin mga nagbabantay sa mga trangkahan na nasa apat na direksyon: sa sirangan, sa solnopan, sa amihan, asin sa habagat.

2 Mga Cronica 23:19

Nagbugtak man si Jehoiada nin mga bantay sa mga trangkahan kan Templo nin Kagurangnan tanganing dai makalaog an siisay man na maati.

2 Mga Cronica 23:4

Ini an gigibohon nyato. Pagdigdi kan mga padi saka mga Levita tanganing maglingkod sa aldaw nin Sabbath, magtolong grupo sinda: an sarong grupo mabantay kan mga trangkahan kan Templo,

2 Mga Cronica 29:25

Kinuyog kan hade an mga pagboot nin Kagurangnan na itinao ki Hadeng David sa paagi ni Gad, na propeta kan hade, asin sa paagi kan propeta na si Natan; nagbugtak siya nin mga Levita sa Templo, na may mga gimbal, mga arpa saka mga lira,

2 Mga Cronica 31:2

Pinaggrupo-grupo giraray ni Hadeng Ezekias an mga padi asin an mga Levita, sosog sa saindang mga katongdan. Kaiba digdi an pagdolot nin mga tinutong na atang asin mga atang para sa katoninongan, an pag-ayon sa gawe nin pagsamba sa Templo dangan an pagtao nin kaomawan saka pasasalamat sa manlaen-laen na kabtang kan Templo.

2 Mga Cronica 35:10

Kan andam na an gabos para sa Paskwa, nagduman sa saindang mga lugar an mga padi saka an mga Levita sosog sa pagboot sainda kan hade.

2 Mga Cronica 35:15

An mga Levitang parakanta, na mga kamaganakan ni Asaf, yaon man sa lugar na itinalaan sainda ni Hadeng David. An mga ini iyo si Asaf, si Heman, saka si Jedutun, an propeta kan hade. An mga bantay yaon sa trangkahan na talaan para sainda; dai sinda naghale huli ta an saindang Paskwa inandam para sainda kan mga tugang nindang Levita.

2 Mga Cronica 35:4

Magduman kamo sa lugar na itinalaan saindo sa laog kan Templo sosog sa saindong mga kamaganakan saka sosog sa mga katongdan na itinao ni Hadeng David asin ni Solomon na saiyang aki.

2 Mga Cronica 5:11

An gabos na padi na yaon duman, maski ngani manlaen-laen na grupo nin paglingkod an saindang naaayonan, nagpabanal kan saindang sadiri. Nagtindog sa sirangan na parte kan altar an paratugtog na mga Levita, si Asaf, si Heman, asin si Jedutun, kaiba an saindang mga aki saka kadugo; gabos sinda nakasulot nin pinong lino asin nagtutugtog nin mga gimbal, mga arpa asin lira. Kairiba ninda sa pagtugtog an syento beynteng mga padi na paratugtog nin trompeta. An mga paratrompeta saka mga paratugtog sarabay na nag-omaw asin nagpasalamat sa Kagurangnan, kasabay kan mga trompeta, mga gimbal saka iba pang mga instrumento. Ini an saindang inawit sa makosog na tingog: “Omawon an Kagurangnan, huli ta siya marahayon, asin an saiyang pagkamoot nagdadanay sagkod pa man.” Mantang nagluluwas an mga padi sa banal na lugar, napano nin panganoron an Templo, an harong nin Kagurangnan, kaya an mga padi dai nakatagal sa paglingkod sa laog kan Templo. Napano an Templo kan kamurawayan nin Kagurangnan.

2 Mga Cronica 8:15

Kinuyog nanggad kan mga padi asin kan mga Levita an gabos na pagboot ni David manongod sa mga kayamanan saka iba pang mga bagay.

Esdras 6:18

Pinili saka pinaggrupo-grupo man ninda an mga padi saka mga Levita na malingkod sa Templo sa Jerusalem, sosog sa katukdoan na nasusurat sa libro ni Moises.

Nehemias 12:24

Pinaggrupo-grupo an mga Levita sa pamamahala ni Hasabias, Serebias, Jesua, Binnui, asin Kadmiel. Danay na igwa nin duwang grupo na nag-oomaw asin nagpapasalamat sa Dios, sosog sa katukdoan na itinao ni Hadeng David, an sorogoon nin Dios. Sarong grupo an nag-awit kan mga pag-omaw asin pasalamat; an ikaduwang grupo an nag-awit kan mga simbag.

Nehemias 12:25

An mga bantay sa Templo na namamahala sa pagbantay kan mga kwartong sarayan iyo si Mattanias, Bakbukias, Obadias, Mesullam, Talmon, asin Akkub.

Nehemias 12:36

Kasunod ni Zacarias an iba pang kaayon kan saiyang kamaganakan na iyo si Semaias, Azarel, Milalai, Gilalai, Maai, Netanel, Juda, asin Hanani, na gabos igwa nin darang instrumento sa pagtugtog arog kan mga ginamit ni Hadeng David, an sorogoon nin Dios. An namayo kan grupong ini iyo si Esdras, na paratukdo kan Katogonan.

Lukas 1:5

Kan si Herodes an hade sa Judea, may sarong padi na an ngaran Zacarias na kabilang sa grupo ni Abias. An agom niyang si Isabel gikan man sa kapadian na kapagarakian ni Aaron.

Lukas 1:8

Turno kaidto kan mga pading grupo ni Zacarias na maglingkod sa Templo. Sarong aldaw, si Zacarias iyo an padi na naglingkod sa atubang nin Dios.

Mga Gibo 13:22

Pakahalea ki Saulo, ginibo nin Dios si David na magin hade ninda. Ini an sinabi nin Dios dapit saiya, ‘Nahiling ko ki David na aki ni Jesse an lalaking oyon sa puso ko. Siya an tawong maotob kan gabos kong kabotan.’

Mga Gibo 13:36

Inotob ni David sa saiyang panahon an kabotan nin Dios. Pakatapos, nagadan siya dangan ilinubong sa lugar na linubongan kan saiyang mga ginikanan. An saiyang hawak nalapa,

Deuteronomio 33:1

Iyo ini an mga bendisyon na ipinahayag ni Moises, an sorogoon nin Dios, sa banwaan nin Israel bago siya nagadan.