2 Mga Cronica 8:11 - Marahay na Bareta Biblia

¹¹ Hale sa Syudad ni David, dinara ni Solomon an saiyang agom, na aking babae kan hade nin Egipto, sa harong na ipinatugdok niya saiya. Nagsabi si Solomon, “An sakong agom dai dapat mag-erok sa palasyo ni David na hade nin Israel, huli ta banal an arin man na lugar na nadumanan kan Kaban nin Tipan.”

2 Mga Cronica 8:11 ပူးပေါင်းရင်းမြစ်များ

1 Mga Hade 3:1

Nakipag-alyansa si Solomon sa hade nin Egipto kan agomon niya an aki kaini. Dinara niya an prinsesa sa syudad ni David tanganing duman mag-erok sagkod na matapos an pagpatugdok niya kan palasyo, kan Templo, asin kan kudal sa palibot nin Jerusalem.

1 Mga Hade 7:8

An sadiring erokan ni Solomon, sa saro pang patyo sa likod kan Sala nin Paghukom ginibo siring kan Salang ini. Siring man an ipinagibo niyang harong para sa saiyang agom, an aking babae kan hade nin Egipto.

1 Mga Hade 9:24

Pinatambakan ni Solomon nin daga an sirangan na parte kan syudad, pakatapos na an saiyang agom, an aking babae kan Hade nin Egipto, maghale sa Syudad ni David tanganing mag-erok sa palasyo na ipinatugdok para saiya ni Solomon.

2 Mga Cronica 8:10

Igwa nin dos syentos singkwentang opisyal na namahala kan pirit na pagpatrabaho sa mga tawo.

Exodo 29:43

Diyan ko tatagboon an banwaan nin Israel, asin magigin banal an lugar na iyan huli kan sakong kamurawayan.

Exodo 3:5

Nagtaram an Kagurangnan, “Dai ka magrani. Halea an saimong mga sandalyas, huli ta banal an lugar na saimong natitindogan.

Ezekiel 21:2

“Aki nin tawo, maghiling ka sa Jerusalem asin magtaram ka laban sa mga lugar na pinagsasambahan kan mga tawo. Patanidan mo an daga nin Israel

2 Pedro 1:18

Nadangog mi an boses na idto na hale sa langit, huli ta kairiba kami kan Kagurangnan duman sa banal na bukid.