2 Mga Cronica 7:9 - Marahay na Bareta Biblia

⁹ Pitong aldaw an ginibo nindang pagkonsagra sa altar asin pitong aldaw man an pagselebrar ninda kan pyesta. Kan huring aldaw nagkaigwa sinda nin dakulang pagtiripon,

2 Mga Cronica 7:9 ပူးပေါင်းရင်းမြစ်များ

1 Mga Hade 8:2

Nagtiripon sinda sa atubangan ni Hadeng Solomon kan Pyesta nin mga Harong-harong, kan bulan nin Etanim na iyo an ikapitong bulan.

1 Mga Hade 8:65

Duman sa Templo, si Solomon asin an bilog na banwaan nin Israel nagselebrar kan Pyesta nin mga Harong-harong sa laog nin pitong aldaw. Dakul nin marahay an tawo na nagtiripon duman na hale pa sa harayong Dalan nin Hamat sa amihan sagkod sa pagdolonan nin Egipto sa habagat.

2 Mga Cronica 30:23

nagka-oroyon an mga tawo na ipadagos an pyesta nin pito pang aldaw; kaya maogma sindang nagpadagos kan selebrasyon.

2 Mga Cronica 7:10

dangan kan sunod na aldaw, an ikabeynte y tres na aldaw kan ikapitong bulan, pinapuli ni Solomon an mga tawo sa saindang harong. Nag-orogma sinda gabos huli sa karahayan na ipinahiling nin Kagurangnan ki David, ki Solomon, asin sa bilog na Israel.

Nehemias 8:18

Nagbasa sinda sa libro kan Katogonan nin Dios aroaldaw, poon sa enot na aldaw kan pyesta sagkod sa huring aldaw. Nagselebrar sinda sa laog nin pitong aldaw, asin sa ikawalong aldaw, nagtiripon sinda sa pagtapos kan pyesta, siring sa ipinagboot kan Katogonan.

Exodo 29:37

An paglinig asin pagkonsagra kan altar gibohon mo sa laog nin pitong aldaw. Dangan an altar magigin banal, asin an ano man na makaduta diyan, magigin banal.

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Levitico 23:36

Aroaldaw sa laog nin pitong aldaw, madolot kamo nin sarong dolot na pagkakan sa Kagurangnan; sa ikawalong aldaw magkaigwa giraray kamo nin banal na pagtiripon asin magdolot kamo nin dolot na pagkakan. Sarong aldaw iyan nin solemning pagtiripon asin dai kamo magtrabaho. (

Mga Bilang 7:10

Nagdara man an mga lider nin mga dolot tanganing selebraron an pagkonsagra kan altar. Kan andam na sinda sa pagdara kan saindang mga dolot sa altar,

Deuteronomio 16:8

Sa masunod na anom na aldaw, magkakan kamo nin tinapay na mayo nin lebadura. Sa ikapitong aldaw, magtiripon kamo sa pagsamba sa Kagurangnan na saindong Dios. Sa aldaw na iyan dai kamo magtrabaho.