2 Mga Cronica 7:22 - Marahay na Bareta Biblia

²² Masimbag an mga tawo, ‘Huli ta binayaan ninda an Kagurangnan na saindang Dios na nagluwas kan saindang mga ginikanan sa Egipto. Nagsunod sinda, naglingkod, asin nagsamba sa ibang mga dios, kaya dinara sainda nin Kagurangnan an gabos na karatan na ini.’”

2 Mga Cronica 7:22 ပူးပေါင်းရင်းမြစ်များ

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

Jeremias 1:16

Papadusahan ko an sakong banwaan huli ta nagkasala sinda; nagtalikod sinda sako, nagdolot nin mga sakripisyo sa mga dios-dios, dangan naggibo nin mga ladawan saka sinamba iyan.

Jeremias 16:11

Dangan taraman mo sinda na an Kagurangnan nagsabi, ‘Nagtalikod sako an saindong mga ginikanan dangan nagsamba sinda saka naglingkod sa mga dios-dios. Binayaan ninda ako saka dai ninda kinuyog an sakong mga katukdoan.

Jeremias 22:5

Alagad kun dai kamo maghinanyog kan sakong mga tataramon, minasumpa ako saindo na mararaot an palasyong ini. Ako, an Kagurangnan, an nagtaram.

Ezekiel 14:23

dangan maaaraman mo na may marahay na dahelan an gabos na ginibo ko.” An Kagurangnan Dios an nagtaram.

Daniel 9:12

Pinatotoohan mo an sinabi mong gigibohon sa samo asin sa samong mga pamayo. Orog mong pinadusahan an Jerusalem ki sa ibang syudad sa daga.