2 Mga Cronica 7:21 - Marahay na Bareta Biblia

²¹ “An Templong ini inoomaw ngunyan alagad sa panahon na iyan, an lambang maagi sa harani kaini mangalas asin mahapot, ‘Tano ta siring an ginibo nin Kagurangnan sa dagang ini asin sa Templong ini?’

2 Mga Cronica 7:21 ပူးပေါင်းရင်းမြစ်များ

2 Mga Cronica 29:8

Kaya an kaanggotan nin Kagurangnan uminabot sa Juda saka sa Jerusalem, asin an ginibo niya sa mga ini nagin sarong bagay na pinagtakotan, nginalasan saka ikinasopog nin lambang saro, siring sa nahiling nindo.

Jeremias 13:22

Kun maghapot ka kun tadaw ta nangyari ini saimo—kun tadaw ta ginirisi an saimong gubing asin linupigan ka—ini huli kan magabat mong kasalan.

Jeremias 19:8

Dadarahon ko sa lugar na ini an sarong makangingirhat na pagkagaba, kaya an siisay man na mag-agi digdi mamomongnan saka magngangalas.

Jeremias 22:28

Nagsabi ako, “Arog daw sa sarong pasang tapayan, na isinikwal, itinapok saka dai nagustohan nin siisay man si Hadeng Jehoiakin? Tadaw ta itinapok siya saka an saiyang mga aki sa sarong daga na dai ninda aram?”

Jeremias 22:5

Alagad kun dai kamo maghinanyog kan sakong mga tataramon, minasumpa ako saindo na mararaot an palasyong ini. Ako, an Kagurangnan, an nagtaram.

Jeremias 49:17

Nagtaram an Kagurangnan, “Makangirhat an karatan na maabot sa Edom kaya mamomongnan saka matitikbahan an lambang mag-agi duman.

Jeremias 5:19

Kun sinda maghapot saimo, Jeremias, kun tadaw ta ginibo ko an gabos na ini, sabihan mo sinda na siring na tinalikodan ninda ako dangan naglingkod sa mga dayuhan na mga dios sa sadiri nindang daga, maglilingkod man sinda sa mga dayuhan sa sarong daga na bako nindang sadiri.”

Jeremias 50:13

Huli sa sakong kaanggotan mayo nin mag-eerok sa Babilon; papabayaan iyan na raot, asin an mag-aaragi diyan magkakamorongnan saka magngangaralas.