2 Mga Cronica 7:20 - Marahay na Bareta Biblia

²⁰ hahaleon ko kamo sa daga na itinao ko saindo. Papabayaan ko an Templong ini na kinonsagra ko para sa sakong ngaran. Pagngingisihan ini saka pagtutuyatuyaon kan gabos na tawo.

2 Mga Cronica 7:20 ပူးပေါင်းရင်းမြစ်များ

1 Mga Hade 14:15

Papadusahan nin Kagurangnan an Israel asin tatakigan ini arog sa nayuyugyog na bariw sa sarong sapa. Gagaboton niya an banwaan nin Israel sa marahay na dagang ini na itinao niya sa saindang mga ginikanan, asin iwawarak niya sinda sa ibong kan Salog nin Eufrates, huli ta pinaanggot ninda siya sa paagi kan paggibo nin mga ladawan kan diosang si Asera.

1 Mga Hade 9:7

hahaleon ko an banwaan nin Israel sa dagang itinao ko sainda. Pababayaan ko man an Templong ini na kinonsagra ko para sa sakong ngaran. An Israel magigin ngingisihan asin pagtutuyatuyaon kan gabos na banwaan.

2 Mga Hade 17:20

Isinikwal nin Kagurangnan an gabos na Israelita; pinadusahan niya sinda asin itinao sa kamot kan mga kaiwal sagkod na napara niya sinda sa saiyang panhiling.

2 Mga Cronica 36:19

Sinulo niya an Templo, rinumpag an mga kudal nin Jerusalem, sinulo an mga palasyo asin an gabos na kayamanan duman.

Salmo 44:14

Itinugot mong pagbansagan kami kan mga nasyon, ginibong ngingisihan sa tahaw nin katawohan.

Salmo 52:5

Alagad tutunawon ka nin Dios sagkod pa man; kukuahon ka niya asin hahaleon sa saimong erokan; gagaboton ka niya sa daga nin mga nabubuhay.

Jeremias 12:17

Alagad an arin man na nasyon na dai magkuyog gagaboton ko saka raraoton. Ako, an Kagurangnan, an nagtaram.”

Jeremias 16:13

Kaya, itatapok ko kamo sa luwas kan dagang ini, sa sarong daga na dai nindo aram ni kan saindong mga ginikanan. Duman, aldaw-banggi kamong maglilingkod sa ibang mga dios asin dai ako maheherak saindo.’”

Jeremias 18:7

Kun nagtaram ako sa sarong panahon na sakong gagaboton, ibabagsak o raraoton an arin man na nasyon o kahadean,

Jeremias 22:8

“Dangan maghihinarapotan an mga dayuhan na mag-aagi digdi, ‘Tadaw ta arog kaiyan an ginibo nin Kagurangnan sa dakulang syudad na ini?’

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 31:28

Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Jeremias 45:4

“Alagad ako, an Kagurangnan, an naggagaba kan sakong itinugdok saka naggagabot kan sakong itinanom. Gigibohon ko ini sa bilog na daga.

Ezekiel 7:24

Dadarahon ko digdi an pinakamaraot na mga nasyon tanganing sadirihon an saindang mga harong. Manluluya an boot kan saindang maiisog na mga lalaki, kun digtaan na kan mga nasyon an saindang mga lugar na pinagsasambahan.

Mga Bilang 32:15

Kun dai kamo magkuyog ngunyan sa Kagurangnan, papabayaan niya liwat an mga tawong ini sa kalangtadan, asin kamo an maninimbag kan saindang kagadanan.”

Deuteronomio 28:37

Sa mga daga na pagdadarahan saindo nin Kagurangnan, pagngangalasan kamo, pag-oolay-olayan asin pagngingisihan.

Deuteronomio 29:28

Sa dakulang kaanggotan nin Kagurangnan ginabot niya sinda sa saindang daga asin itinapok sa sarong dayuhan na daga na pinag-eerokan ninda ngunyan.’

Judas 1:12

Sinda mga digta sa saindong mga bangketeng sa magturugang, huli ta sobra sindang magkakan saka magburat. An para sainda sana an inaasikaso ninda. Garo sinda mga panganoron na pinapalid nin doros alagad mayong darang uran. Garo sinda mga kahoy na dai nagbubunga, maski tigbungahan; mga kahoy na ginabot sagkod an gamot asin talagang alang na.