2 Mga Cronica 7:19 - Marahay na Bareta Biblia

¹⁹ Alagad kun ika asin an saimong banwaan magtalikod sako asin dai magkuyog kan sakong mga togon saka mga pagboot; kun magsunod kamo, maglingkod asin magsamba sa ibang mga dios,

2 Mga Cronica 7:19 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 33:8

Kun otobon nin Israel an gabos kong togon saka mga pagboot na itinao sainda ni Moises, dai ko na tutugotan na mapahale pa sinda sa daga na itinao ko sa saindang mga ginikanan.”

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Jeremias 9:13

Nagsimbag an Kagurangnan, “Nangyari ini huli ta tinalikodan kan sakong banwaan an katukdoan na itinao ko sainda. Dai sinda nagkuyog sako ni naggibo kan itinaram ko sainda.

Levitico 26:14

“Alagad kun dai nindo ako dangogon asin dai nindo gibohon an mga pagboot ko, papadusahan ko kamo.

Mga Bilang 32:15

Kun dai kamo magkuyog ngunyan sa Kagurangnan, papabayaan niya liwat an mga tawong ini sa kalangtadan, asin kamo an maninimbag kan saindang kagadanan.”

Deuteronomio 28:15

“Alagad kun magsombikal kamo sa Kagurangnan na saindong Dios, asin dai kamo magmaimbod sa pagkuyog kan gabos niyang togon saka pagboot na itinatao ko saindo ngunyan na aldaw, maabot saindo an mga maldisyon na ini:

Josue 23:7

asin dai nanggad kamo makiiba sa mga tawong ini na natatada pa diyan sa kaibahan nindo o kaya magsambit kan ngaran kan saindang mga dios-dios o magsumpa sa ngaran kan mga iyan o magsamba asin magluhod sa mga iyan.

1 Samuel 12:25

Alagad kun magpadagos kamo sa paggibo nin kasalan, gagadanon niya kamo asin an saindong hade.”