2 Mga Cronica 7:17 - Marahay na Bareta Biblia

¹⁷ Manongod saimo, kun maimbod na maglingkod ka sako siring kan ginibo kan saimong amang si David, dangan kun kuyogon mo an sakong mga togon saka mga pagboot,

2 Mga Cronica 7:17 ပူးပေါင်းရင်းမြစ်များ

1 Mga Hade 11:38

Kun kukuyogon mo nanggad ako, mamumuhay sosog sa sakong katogonan, asin maggigibo kan matanos sa atubang ko huli sa pag-otob kan sakong mga togon saka mga pagboot siring kan ginibo kan sorogoon kong si David, danay takang iibahan. Gigibohon takang hade nin Israel asin gigibohon kong hade an saimong mga kapagarakian bilang kasalihid mo, siring kan ginibo ko para ki David.

1 Mga Hade 2:3

Giboha an anoman na ipagboot saimo nin Kagurangnan na saimong Dios. Kuyogon mo an gabos niyang togon asin pagboot, siring sa nasusurat sa Togon ni Moises, tanganing minsan saen ka man magduman mag-uswag ka sa gabos mong gibo.

1 Mga Hade 3:14

Asin kun maglalakaw ka sa sakong dalan huli sa pagkuyog kan sakong mga togon saka pagboot siring kan ginibo kan saimong ama na si David, tatawan taka nin halawig na buhay.”

1 Mga Hade 8:25

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 6:16

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

2 Mga Cronica 7:16

huli ta pinili asin kinonsagra ko ini bilang lugar na pagsasambahan sako sagkod lamang; babantayan saka aatamanon ko ini sa gabos na panahon.

2 Mga Cronica 7:18

papatindogon ko an saimong kahadean, siring kan sakong panuga sa saimong ama kan taraman ko siyang, ‘An Israel danay na paghahadean kan saimong kapagarakian.’

Salmo 105:45

Tanganing otobon ninda an saiyang kabotan asin kuyogon an saiyang mga katogonan. Omawon an Kagurangnan!

Salmo 119:5

Linalaom ko na magigin maimbod ako sa pag-otob kan saimong mga katukdoan!

Ezekiel 36:27

Ibubugtak ko saindo an sakong espiritu asin gigibohon ko nanggad na magkuyog kamo sa sakong mga togon saka mag-otob kan mga pagboot na itinao ko saindo.

Zacarias 3:7

an Kagurangnan nin mga hukbo nagtaram: “Kun kukuyogon mo an sakong mga togon dangan susunodon an mga katongdan na itinao ko saimo, magpapadagos ka bilang parapamahala kan sakong Templo saka mga patyo kaiyan. Dadangogon ko an saimong mga pamibi, siring na dinadangog ko an mga pamibi kan mga anghel na nasa atubangan ko.

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

Juan 15:10

Kun kinukuyog nindo an sakong mga togon, magdadanay kamo sa pagkamoot ko, siring na kinukuyog ko an mga togon kan sakong Ama asin nagdadanay ako sa saiyang pagkamoot.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”