2 Mga Cronica 7:10 - Marahay na Bareta Biblia

¹⁰ dangan kan sunod na aldaw, an ikabeynte y tres na aldaw kan ikapitong bulan, pinapuli ni Solomon an mga tawo sa saindang harong. Nag-orogma sinda gabos huli sa karahayan na ipinahiling nin Kagurangnan ki David, ki Solomon, asin sa bilog na Israel.

2 Mga Cronica 7:10 ပူးပေါင်းရင်းမြစ်များ

1 Mga Hade 8:66

Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

2 Mga Cronica 29:36

Naogma si Hadeng Ezekias asin an banwaan huli ta tinabangan sinda nin Dios na magibo tolos an gabos na ini.

2 Mga Cronica 30:26

Nagkaigwa nin dakulang kaogmahan sa Jerusalem, huli ta dai pa nagkaigwa nin siring na pangyayari magpoon kan panahon ni Hadeng Solomon na aki ni David.

2 Mga Cronica 6:41

“Tumindog ka, O Kagurangnan Dios, asin kaiba an Kaban nin Tipan, an tanda kan saimong kapangyarihan, lumaog ka sa Templo dangan mag-erok ka digdi sagkod lamang. Magubingan logod nin kaligtasan, Kagurangnan, an saimong kapadian, asin mag-ogma logod an mga banal sa saimong karahayan.

2 Mga Cronica 7:11

Natapos ni Solomon an pagpatugdok kan Templo, kan palasyo asin kan gabos na inisip niyang ipagibo sa laog kan mga ini.

2 Mga Cronica 7:9

Pitong aldaw an ginibo nindang pagkonsagra sa altar asin pitong aldaw man an pagselebrar ninda kan pyesta. Kan huring aldaw nagkaigwa sinda nin dakulang pagtiripon,

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

Salmo 100:2

Maogmang maglingkod ka sa Kagurangnan! Magdolok ka sa atubang niya asin mag-awit nin maogma!

Salmo 105:3

Magmuraway kita sa banal niyang ngaran; mag-ogma an mga pusong naghahanap sa Kagurangnan.

Salmo 106:5

Mahiling ko logod an pag-uswag kan saimong mga pinili, tanganing makahiras ako sa kaogmahan kan saimong nasyon, tanganing magmuraway ako kaiba kan saimong pamana.

Salmo 32:11

Mag-ogma kamo sa Kagurangnan maggayagaya kamong mga matanos. Magkurahaw kamo sa kaogmahan, kamong mga nagkukuyog saiya!

Salmo 92:4

Huli ta ika, Kagurangnan, nagpaogma sako; sa mga gibo nin saimong mga kamot, minaawit ako sa kaogmahan.

Exodo 18:1

Nabaretaan ni Jetro, na panugangan ni Moises asin padi sa Midian, an mga ginibo nin Dios para ki Moises asin sa mga Israelita kan iluwas niya sinda sa Egipto.

Ezekiel 45:25

“Para sa Pyesta nin mga Harong-harong, mapoon sa ikakinseng aldaw kan ikapitong bulan, an prinsipe nin Israel madolot man nin parehong mga dolot para sa kasalan, mga tinutong na atang asin mga dolot na pagkakan saka lana nin oliba sa laog kan pitong aldaw nin pyesta.”

Mga Gibo 16:34

Pakatapos, ipinag-iba niya sinda sa saiyang harong asin pinakakan sinda. Naogma siya asin an saiyang pamilya, huli ta nagtubod na sinda sa Dios.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Deuteronomio 16:14

Mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo, asin mga babaeng balo na nag-eerok sa saindong mga banwa.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!