2 Mga Cronica 6:5 - Marahay na Bareta Biblia

⁵ ‘Magpoon kan aldaw na iluwas ko sa Egipto an sakong banwaan, dai pa ako nagpili nin syudad sa gabos na tribu nin Israel tanganing tugdokan ko nin Templo na pagsasambahan sako. Dai man ako nagpili nin siisay man na mamamayo kan sakong banwaan na Israel.

2 Mga Cronica 6:5 ပူးပေါင်းရင်းမြစ်များ

1 Mga Hade 8:16

‘Magpoon kan aldaw na iluwas ko sa Egipto an sakong banwaan, dai ako nagpili nin syudad sa gabos na tribu nin Israel tanganing tugdokan nin Templo na pagsasambahan sako. Alagad pinili taka David, na mamayo sa sakong banwaan.’”

2 Mga Hade 21:4

Naggibo siya nin paganong mga altar sa laog kan Templo, an lugar na sinabi nin Kagurangnan na dapat pagsambahan saiya.

1 Mga Cronica 17:5

Magpoon kan iluwas ko sa Egipto an Israel sagkod ngunyan, dai lamang ako nag-erok sa sarong harong; danay na nag-erok ako sa mga tolda, hale sa sarong lugar pasiring sa iba.

2 Mga Cronica 12:13

Naghade si Rehoboam sa Jerusalem asin nagdakula an saiyang kapangyarihan bilang hade. Kwarenta y uno na an edad ni Rehoboam kan siya magin hade, asin dyes y syeteng taon siyang naghade sa Jerusalem, an syudad na pinili nin Kagurangnan sa gabos na tribu nin Israel bilang lugar na pagsasambahan saiya. An ina ni Rehoboam iyo si Naama na sarong Ammonita.

2 Mga Cronica 20:8

Nag-erok sinda digdi saka nagpatugdok nin sarong templo para sa kaomawan mo, huli ta aram ninda

2 Mga Cronica 20:9

na kun mag-abot sainda bilang padusa an karatan, an gera, an peste o gutom, pwede sindang magdigdi saka magtindog sa atubangan kan Templong ini na pinagsasambahan saimo. Pwede sindang magpamibi saimo sa saindang kasakitan, asin dadangogon mo sinda saka ililigtas.

2 Mga Cronica 30:8

Dai kamo magmatagas nin payo arog sainda, kundi magkuyog kamo saiya. Magdalaw kamo sa Templo sa Jerusalem, na sagkod pa man pinabanal nin Kagurangnan na saindong Dios, asin magsamba kamo saiya tanganing dai na siya maanggot saindo.

2 Mga Cronica 33:4

Naggibo siya nin paganong mga altar sa laog kan Templo, an lugar na sinabi nin Kagurangnan na dapat pagsambahan saiya sagkod pa man.

2 Mga Cronica 33:7

An imahen kan dios-dios na saiyang ginibo, ibinugtak ninda sa laog kan Templo, sa lugar na iyo an sinabi nin Dios kan siya magtaram ki David asin ki Solomon na aki kaini: “Digdi sa Templong ini, asin sa Jerusalem na pinili ko hale sa gabos na tribu nin Israel, ibubugtak ko an sakong ngaran sagkod pa man.

2 Mga Cronica 6:20

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

2 Mga Cronica 6:4

Nagsabi siya, “Pag-omawon an Kagurangnan, an Dios nin Israel! Inotob niya an saiyang panuga ki David na sakuyang ama, kan siya magtaram,

2 Mga Cronica 6:6

Alagad ngunyan pinili ko an Jerusalem bilang lugar na pagsasambahan sako; pinili ko man si David bilang hade kan sakong banwaan na Israel.’”

2 Mga Cronica 7:16

huli ta pinili asin kinonsagra ko ini bilang lugar na pagsasambahan sako sagkod lamang; babantayan saka aatamanon ko ini sa gabos na panahon.

Esdras 7:16

Darahon mo man an gabos na plata saka bulawan na nakokolekta mo sa bilog na probinsya nin Babilon asin an boluntad na mga dolot kan mga tawo saka mga padi para sa Templo nin saindang Dios sa Jerusalem.

Exodo 20:24

Gumibo kamo nin altar na daga para sako; sa ibabaw kaiyan idolot nindo an saindong karnero saka an saindong baka bilang tinutong na atang asin atang para sa katoninongan. Sa lambang lugar na pinili ko na pagsasambahan nindo sako, madatong ako dangan bebendisyonan ko kamo.

Exodo 23:21

Magdangog kamo saiya asin magsunod sa gabos niyang sasabihon. Dai nindo siya pagkontrahon huli ta sugo ko siya, asin dai niya papatawadon an saindong pagkakasala.

Daniel 9:19

Kagurangnan, dangoga kami. Kagurangnan, patawada kami. Kagurangnan, hinanyoga kami asin paghiro! Maghidali ka, tanganing maaraman kan gabos na ika an Dios! Saimo an syudad asin an banwaan na ini.”

Zacarias 3:2

Sinabihan kan anghel nin Kagurangnan si Satanas, “Kondenaron ka logod nin Kagurangnan, Satanas! Kondenaron ka logod nin Kagurangnan na namomoot sa Jerusalem. An lalaking ini nakakaarog sa sarong sanga na inagaw sa kalayo.”

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

1 Samuel 10:24

Sinabihan ni Samuel an mga tawo, “Uya an lalaking pinili nin Kagurangnan! Mayo nin siisay man sato na makakaarog saiya.” Dangan nagkurahaw an gabos na tawo, “Mabuhay an hade!”

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”